反修例運動示威者被自殺或失蹤爭議
(由香港反送中示威者被自殺或失蹤爭議跳轉過嚟)
反修例運動示威者被自殺或失蹤爭議，係指喺香港反逃犯條例修訂運動（反修例運動）期間，報稱有大量被捕人士失蹤或者被香港警察殺害嘅爭議。
公眾對自殺者真正死因嘅質疑
編輯喺香港反修例運動期間，有啲民眾發現自殺案件數字節節攀升，而且海上發現唔少浮屍，有學者質疑呢啲自殺案件唔單純。自6月12號之後，每10天嘅自殺案件都維持在大約10人左右，但去到8月21號到31號，自殺案件突然飆升至18人，咁啱就係新屋嶺事件曝光嘅時間。八三一太子站事件後，自殺案件更高達49件。呢啲案件有啲疑點重重，包括墜樓無血跡，屍體反有舊傷等等[1]。
民間反應
編輯為咗搵番有關失蹤者，有網民聯同社工、私家偵探等開設「被捕人士關注組」Telegram群組同埋其他Facebook專頁[2]，盡可能上載所有被捕者嘅資料。其中facebook群組「香港失蹤人口關注組」喺2020年3月28號接受蘋果日報訪問嘅時候表示，仍然有二百至三百人未被搵番，每日平均有六十多個尋人帖子，有遊行示威嘅日子會更多[3]。
政府同親中派反應
編輯《文匯報》指呢啲消息「全屬子虛烏有」，只係用來煽動仇警情緒；警方曾回應指唔應該信謠言，認為造謠者「散佈恐怖情緒，誤導市民」，又表示現今資訊發達，任何人都無可能無端「消失」，且失蹤人口在修例風波下無異常增加[4]。
不過，雖然警方正式回應嘅時候否認，但係喺香港警察入侵理工大學校園事件嘅審訊，有被告就引述入侵理大校園嘅警察對佢進行嘅恐嚇，話有警察對佢哋講「你有無發覺呢排多咗好多浮屍？」，對話恐嚇示威者同串連反修例運動示威者被自殺或失蹤嘅爭議入面[5]。
參考
編輯- ↑ 自由時報電子報 (2019-10-11)。〈憾！反送中期間自殺頻傳 港網友整理成冊：莫忘這108人 - 國際〉。《自由時報電子報》 (中文)。喺2022-07-21搵到。
- ↑ 〈年輕示威者懷疑「被失蹤」 特區政府公信力低人人自危〉。Radio Free Asia (香港中文)。喺2022-07-21搵到。
- ↑ 黃桂桂。〈【尋人日常】反送中過萬人被捕、失蹤「民間尋人鏈」助家屬尋親：仍有2-300人未搵番〉。喺2020-03-28搵到。
{{cite web}}: CS1 maint: url-status (link) - ↑ 蕭景源 (2020-03-16)。〈警破「被消失」魔謠 近九成已尋回〉 (香港中文)。文匯報。原著喺2020-03-16歸檔。喺2020-05-19搵到。
- ↑ 〈被告稱遭警員打肚威嚇錄口供 聞警稱「多咗浮屍」後怕被打死 控方質疑想法幼稚〉。2022-08-11。
{{cite web}}: CS1 maint: url-status (link)