郭璞
郭璞（276年—324年），字景純，晉何東郡聞喜縣（依家嘅山西）人，係西晉建平太守郭瑗個仔。係東晉時期學者，又係文學家同埋訓詁學家（類似而家所謂嘅國學，即係研究傳統文化嘅嘢），亦都係方術大師（可以理解為西方嘅鍊金術，不過東方嘅方術主要目的係成仙）同《遊仙詩》嘅祖師爺。
| 郭璞 | |
|---|---|
 | |
| 姓名原文 | 郭璞 |
| 出生日 | 276年  |
| 出生地 | 聞喜 |
| 死亡日 | 324年 |
| 死因 | 斬頭 |
| 國籍 | 晉 |
| 識嘅語言 | 文言文 |
| 職業 | 作家、詩人、史學家 |
| 名作 | Youxian shi |
[改維基數據] | |
生平
編輯佢經歷過永嘉之亂，東晉西晉兩代嘅分界，於是乎南遷至江南。戰亂之世，亦做過宣城同丹陽嘅參軍。
晉元帝時期，升職做著作佐郎（官名，作用係協助史官寫國史）、尚書郎（亦係官名，負責處理政務），之後又做咗將軍王敦嘅參軍（打仗出謀獻策果類，仲包埋同老闆傾心事）。
郭璞為人相當好酒好色，有時會好過份，過份到佢朋友桓彝鑊鑊搵親佢，都係見到佢同個女人喺度玩。佢朋友干寶仲勸過佢「此伐性之斧也」（白話解釋：咁會搞死你㗎），但係郭璞唔在意咁講「吾所受有分。恆恐用之不盡。豈酒色之能害。」（白話解釋：唔嫖唔知身體好，唔賭唔知時運高，我仲驚自己做得唔夠過份，點會咁易俾–酒色搞死）。
郭璞曾經同桓彝講過，千祈唔可以喺佢去緊廁所嗰陣推開佢度廁所門，如果唔係就「客主有殃」（白話解釋：大家一鑊熟呀）。點不知有次桓彝飲醉咗，真係走咗去郭璞屋企開咗度廁所門，仲見到郭璞「裸身被髮，銜刀設醊」（白話解釋：無著衫又無梳頭，用把口膽住把刀仔，準備作法，仲記唔記得佢係方術大師呀），郭璞一見到桓彝就大驚咁講「此天命，不可逃也！」（白話解釋：呢個真係天命，走唔切喇！）
後來到咗324年，王敦駐守荊州，仲打算謀反，謀反前叫咗郭璞嚟卜左支卦，卦象為不吉，王敦嬲到殺咗郭璞。王敦喺兩個月謀反失敗，怨憤而死（即係谷死）。幾年後晉明帝幫郭璞喺南京玄武湖畔起咗個叫「郭公墩」嘅衣冠塚（無條屍，得套衫褲）畀佢。
學術成就
編輯後世視為佢為學者。精通文學，作好多詩文。精通詁訓，為好多古書寫過注（解釋原文），例如「周易」、「山海經」、「穆天子傳」、「方言」、「楚辭」、「爾雅」都寫過。
其中嘅表表者，就係佢用咗18年時間去研究同註解「爾雅」呢本書，以佢當時流通嘅方言同名，去解釋番古老嘅動植物名，仲幫佢哋注音同畫圖，令呢本由佢所注嘅「爾雅」成為歷朝歷代研究草本嘅重要參考書。而且由郭璞開創嘅動、植物圖示分類法，亦都俾唐朝之後所有大型草本著作所沿用。
佢除咗易學方面有卓越成就，仲識好多道教方面嘅術數學理論（晉朝嚟講應該係建基於漢朝董仲舒嘅陰陽五行學說），仲係兩晉時期好出名嘅方術師，曉卜筮同好多奇術。
相傳寫咗本葬書，係風水堪輿方面嘅名著，風水師視佢為祖師爺。王禕「青岩叢錄」有講「擇地以葬，其術本於晉郭璞」（選棺材地嘅方法係起源自晉朝嘅郭璞）。
