都道府縣係日本一級政區嘅稱呼，總共有47個，包括一都（東京都）、一道（北海道）、兩府（大阪府、京都府）、四十三縣，政區首府叫都道府縣廳所在地，政區首長叫知事。
都道府縣嘅雛形係1871年明治維新推行嘅廢藩置縣，將嗰時嘅藩改制做72個縣，1888年縮到44個縣，嗰時另有三府（東京府、大阪府、京都府）一道（北海道）。而現代47個都道府縣，就係由1947年通過嘅《地方自治法》確立嘅。
