鄧方

鄧方（粵拼：dang6 fong1；？—222年？），字孔山（hung2 saan1），荊州南郡人（而家湖北荊州），係三國中蜀漢嘅官員、將領。

鄧方
蜀漢 將領、官員、庲降都督
死	222年？ 南昌（而家雲南鎮雄）
活躍時期	212年～221年
繼任	李恢
遞啲名
字	孔山

由於資料遺失，所以《三國志》度無幫佢作傳。而家關於佢嘅資料主要有楊戲嘅《季漢輔臣贊》。

鄧方原本係荊州從事，後來跟咗劉備。建安十九年（214年），收得蜀地呢個地盤後，佢任命做犍爲嘅屬國都尉，後來因爲郡名改咗，佢改任爲朱提太守，然後遷任爲安遠將軍、庲降都督，駐地喺南昌縣（而家雲南鎮雄）。章武二年（222年）時死，不過同樣喺《三國志》嘅《李恢傳》度就話佢係章武元年（221年）時過世嘅，佢過世後，庲降都督呢個位由李恢繼任。

楊戲喺《季漢輔臣贊》讚佢話：「以強大嘅意志安撫邊遠地區，堅守節操，疏財而果斷勇烈，艱難之中唔受迷惑，以少數抵禦多數，保全完成喺異域嘅任務。」《華陽國志》就讚佢：「疏財而果敢剛毅，無論係夷人定係漢人都敬仰佢嘅威信。」

參攷資料

• 陳壽。〈蜀書：鄧張宗楊傳 — 楊戲傳〉. 《《三國志》》。｢安遠強志，允休允烈，輕財果壯，當難不惑，以少禦多，殊方保業。——贊鄧孔山。孔山名方，南郡人也。以荊州從事隨先主入蜀。蜀既定，為犍為屬國都尉，因易郡名，為硃提太守，選為安遠將軍、庲降都督，住南昌縣。章武二年卒。失其行事，故不為傳。｣
• 陳壽。〈蜀書：黃李呂馬王張傳 — 李恢傳〉. 《《三國志》》。｢章武元年，庲降都督鄧方卒……｣
• 常璩。〈南中志〉. 《《華陽國志》》。｢建安十九年，劉先主定蜀，遣安遠將軍、南郡鄧方，以朱提太守、庲降都督治南昌縣。輕財果毅，夷漢敬其威信。｣