鄧析
鄧析，春秋時鄭國大夫，漢書藝文志歸佢入名家，視為名家開山祖，辯論能手。後世亦有認為佢法家，亦有認為名家法家之前，刑名之家。佢寫竹刑，鄭國所用[1]。生平不詳，大多數戰國後期諸子批評而來。唯左傳有記佢死同當時人評價，同後來戰國諸子好唔同。
著作記喺鄧析子，漢時重見到，劉向為本書刪咗重覆之處，改成二篇本，兼話佢「好刑名、操兩可之說、設無窮之辭。」今本鄧析子已睇唔到風貌，甚至視為偽託，然而篇名無厚、轉辭應該為原所有。刑名本來同訟事斷案有關，亦為鄧析本業，左傳以召伯甘棠比喻，亦明示佢同召伯一樣會聽訟。刑名深入研究名實，成為一家，對後世諸子辯說好大影響。
生平
編輯鄧析生平不詳。較為可靠記載，見於左傳定公九年。
| 「 | 鄭駟歂殺鄧析、而用其竹刑。君子謂子然於是不忠。苟有可以加於國家者、棄其邪可也。靜女之三章、取彤管焉、竿旄何以告之、取其忠也。故用其道、不棄其人。詩云、蔽芾甘棠、勿翦勿伐、召伯所茇。思其人、猶愛其樹、況用其道、而不恤其人乎。子然無以勸能矣。
|
」 |
據左傳講法。駟歂殺咗鄧析，仍然用佢竹刑，時論話用佢方法而唔念佢個人，咁就好唔啱。咁樣不忠，招唔到能人。用召伯甘棠來比喻，可見鄧析評價相當高，就算有邪都應當原諒。當時人睇法，同戰國後期評論相當唔同。
文中寫子然，或就成為後來訛傳成子產殺鄧析原因。漢劉向鄧析子序錄中，佢留意到，子產病死魯昭公二十年，同鄧析死喺魯定公九年，早成廿一年。子產唔可能殺鄧析。另有說指子然一人[2]，而鄭國確有子然，不過佢死喺鄭僖公四年，即魯襄公六年，早鄧析六十六年死。故此，唔可能左傳前述子然。另外亦有指子然為駟歂[3]，駟歂一字子然[2]。
子產為孔丘友人，名氣好大。咁到戰國後期，將子然之事訛移到子產身上。子產做好人，鄧析做衰人，子產殺鄧析就理所當然[2]。
荀子宥坐篇咁寫，記孔子咁話「以湯誅尹諧、文王誅潘止、周公誅管叔、太公誅華仕、管仲誅付里乙、子產誅鄧析史付、此七子者、皆異世同心、不可不誅也。」又呂氏春秋離謂篇，「子產患之、於是殺鄧析而戮之、民心乃服、是非乃定、法律乃行。」
以後睇法，大多數都抄自荀子同呂氏春秋，鄧析壞人，子產不得不誅。嗰啲事積，大概本來有關子然而非子產。
逸事諸子有幾則。
呂氏春秋
編輯離謂有三則，都講鄧析點樣邪。
| 「 | 鄭國多相縣以書者。子產令無縣書、鄧析致之。子產令無致書、鄧析倚之。令無窮，則鄧析應之亦無窮矣。是可不可無辨也。
|
」 |
鄧析教人將新法令掛起。子產下令唔畀，於是乎鄧析改咗佢。子產下令話唔畀改，鄧析另立新解。有乜嘢新令，鄧析都有應對。就咁做得唔做就分唔出。可以見到鄧析邪，有無窮之辭。
| 「 | 洧水甚大、鄭之富人有溺者。人得其死者。富人請贖之、其人求金甚多、以告鄧析。鄧析曰、安之。人必莫之賣矣。得死者患之、以告鄧析。鄧析又答之曰、安之。此必無所更買矣。
|
」 |
洧水浸死人，屬有錢人家。有人撈返條屍。有錢人嫌人家出價貴，問鄧析。鄧析同有錢人話，等下啦，佢只賣得畀你。另一邊又驚，搵鄧析，鄧析又話等下啦，佢一定會買。又可以見到鄧析邪，操兩可之說。雖則無寫結果，然而可以估到邊家唔等得就輸，咁就解決咗[4]。
| 「 | 子產治鄭、鄧析務難之、與民之有獄者約、大獄一衣、小獄襦袴。民之獻衣襦袴而學訟者、不可勝數。以非為是、以是為非、是非無度、而可與不可日變。所欲勝因勝、所欲罪因罪。鄭國大亂、民口讙譁。子產患之、於是殺鄧析而戮之、民心乃服、是非乃定、法律乃行。
|
」 |
子產執政，鄧析為難佢。咁同啲有訟獄人約，學大獄就一衣，學小獄襦袴。好多人就跟住學。錯變啱，啱變錯，啱錯無準則，而且日日變。要勝訢就勝訢，要入罪就入罪。鄭國大亂，輿論譁然。子產擔心，就殺鄧析兼陳屍，咁就民心服，是非定，法律通行。
列子
編輯今本列子學者認為並非原書，然而又收錄好多先秦故仔。講鄧析有三則。
荀子
編輯荀子屬儒家，好唔中意鄧析。
評價
編輯荀子
編輯荀子戰國末期，對佢評價非常之低。
不苟篇
| 「 | 君子行不貴苟難、說不貴苟察、名不貴苟傳、唯其當之為貴。故懷負石而投河、是行之難為者也、而申徒狄能之。然而君子不貴者、非禮義之中也。山淵平、天地比、齊秦襲、入乎耳、出乎口、鉤有須、卵有毛、是說之難持者也、而惠施鄧析能之。然而君子不貴者、非禮義之中也。盜跖貪凶、名聲若日月、與舜禹俱傳而不息。然而君子不貴者、非禮義之中也。故曰、君子行不貴苟難、說不貴苟察、名不貴苟傳、唯其當之為貴。詩曰、物其有矣、惟其時矣。此之謂也。
|
」 |
荀子將鄧析同惠施並排，話佢哋將啲難事都拗得返生，話佢哋只夠出名，同盜跖睇齊，毫無可貴之處，唔值得尊重。
非十二子篇
| 「 | 不法先王、不是禮義、而好治怪說、玩琦辭、甚察而不惠、辯而無用、多事而寡功、不可以為治綱紀。然而其持之有故、其言之成理、足以欺惑愚眾。是惠施鄧析也。
|
」 |
荀子認為惠施同鄧析，主張同原有秩序唔同，唔跟先王，唔重禮義，另立言路。又話佢言之成理，呃得到人。