鄭威濤

鄭威濤（英文：Ricky Cheng Wai Tao，1967年—2024年4月2號係香港飲食業生意人，曾為香港板前壽司、板長壽司及味千拉麵嘅董事總經理，都曾為無綫電視飲食節目和味無窮（共兩輯）做主持。

鄭威濤
出世	1967年 (1967) 中國廣東省汕頭專區汕頭市
死	2024年4月2號(2024-04-02)（57歲） 日本東京都
死因	胰臟癌
國籍	中國（香港）
語言	粵語、英文、普通話、日文
職業	生意人
作品	《和味無窮》
宗教信仰	未公開
配偶	李小玲（前妻） 林盈盈
親屬	Ryan Cheng Myron Cheng

簡歷

鄭威濤從潮州汕頭移民來港，由廚房仔做起，及後前往日本學習烹飪，之後成立板前壽司及板長壽司。無綫電視電視劇《和味濃情》更改編其成功故事而成。

2008年1月，佢以43萬港元於築地市場投得有「日本一」之稱嘅藍鰭吞拿魚，成為第一位投得「日本一」嘅香港人。2009年1月，他與日本一間壽司店聯手以963萬日圓（約港幣84萬）再次投得「日本一」。

2017年，鄭威濤確診胰臟癌。2024年4月2號，鄭威濤於日本東京因該癌病逝，終年57歲。

生平年表

• 1975年：從汕頭來港，1982年畢業於香港潮商學校下午校之後入讀香港培英中學（1985年中四（上學期））。
• 1985年：中四輟學，到銅鑼灣友和日本料理做學徒。
• 1987年：向母借兩萬元隨師父到日本，喺當地拉麵及壽司店做學徒。
• 1989年：回港做導遊。
• 1994年：同拍檔李小玲引入日式手卷班戟店，後再同總統餐廳老闆區懿明合作成立班戟連鎖店，高峰時分店20間。
• 1996年：班戟熱潮過後，結束全線分店，並同潘慰以特許經營方式引入日本味千拉麵。
• 2004年：同潘慰於尖沙咀開設首間板前壽司店。
• 2006年：引入日本九州嘅雪村串燒，並夥拍官恩娜主持無綫電視電視節目《和味無窮》。
• 2007年：於東京赤坂區開設第一間分店，同時開設高檔壽司店板長壽司。
• 2008年：
  • 投得有「日本一」之稱嘅藍鰭吞拿魚，同徐淑敏主持《和味無窮》第二輯。
  • 6月17日：板前壽司因涉及六宗食物中毒事件，被食環署勒令全綫暫時封閉，以便進行徹底消毒直至食環署署長滿意衛生情況，先會批准重新營業。
• 2009年：
  • 與日本一間壽司店聯手以近千萬日圓（約84萬港元）再次投得有「日本一」之稱嘅藍鰭吞拿魚，創近八年最高價，同年引入日本岡田珈琲。
  • 無綫電視劇《魚躍在花見》開拍，其創辦嘅板長壽司全程贊助食物，兼任廚藝顧問，該劇於2011年播映。
• 2010年：
  • 雖然遭環保組織反對，仍出戰日本築地魚市場，三連冠投得被譽為「日本一」嘅藍鰭吞拿魚王，有保育組織成員為魚王默哀，呼籲市民拒食。
  • 購入Rolls-Royce汽車作座駕，自認為「升呢」，晉身富豪級。
• 2011年：據報有板前壽司員工表示，板前前線職員延遲發薪，資方解釋係銀行自動轉賬問題，但被踢爆集團高層準時發薪後，又改口稱因部分分店經理計錯糧單，先累及全線分店員工未能準時發薪。
• 2012年：其早前購入嘅旺角西洋菜南街地舖以2.38億元易手，呎價36.6萬元，成為「旺角舖王」。
• 2013年：
  • 指控鄭私下開設板前分店跟同類型嘅板長壽司，欺騙股東利益。又無將所有板前嘅股權轉到新成立嘅控股公司。案件編號：HCA1269/09,304/11
  • 板前壽司股權糾紛案續審，喺法庭不合情理同胡鬧地炫耀自己。

名下馬匹

佢係香港賽馬會嘅會員、馬主，名下馬匹（不論個人定係團體）以新鮮兩字命名，包括「超新鮮」、「跑贏大市」、「勁新鮮」、「最新鮮」。