開主選單

維基百科 β

鄭桓公姬友(?—前771年),係西周末年諸侯國鄭國嘅開國君主。對於鄭桓公嘅身份,唔同人有唔同見解,《史記》話佢係周厲王個細仔、周宣王個庶細佬[1],《竹書紀年》就話佢係周宣王個仔。

目錄

生平

建立鄭國

周宣王二十二年(前806年),姬友獲封為諸侯,建立鄭國[2]。人民愛戴姬友,周幽王繼位之後,姬友獲封為太傅[3]。周幽王在位嗰陣,西周國力衰微,姬友驚幽王嘅昏庸殘暴會累死同樣響王畿入面嘅鄭國,所以諗住將鄭國由靠近西周首都鎬京搬去另一道。佢問大臣太史伯佢應該將國家搬去邊,太史伯叫桓公唔好搬去南面,因為南面嘅楚國開始強勁,對鄭國嘅發展會有影響;又叫桓公唔好搬去西面,因為西方人貪心。鄭桓公最後向虢國鄶國買十里地,將鄭國搬去東面[4],東面嘅新領土叫新鄭,亦即係將來晉國嘅都城。

過身

鄭桓公成為司徒之後第三年(前771年),犬戎攻入鎬京,隊冧周幽王。鄭桓公響戰亂入面亦都被犬戎殺死,太子姬掘突繼位,成為鄭武公[5]

參攷

  1. 史記.鄭世家第十二》:「鄭桓公友者,周厲王少子而宣王庶弟也。」
  2. 史記.鄭世家第十二》:「宣王立二十二年,友初封於鄭。」
  3. 史記.鄭世家第十二》:「封三十三歲,百姓皆便愛之。幽王以為司徒。」
  4. 史記.鄭世家第十二》:「為司徒一歲,幽王以褒后故,王室治多邪,諸侯或畔之。於是桓公問太史伯曰:『王室多故,予安逃死乎?』太史伯對曰:『獨雒之東土,河濟之南可居。』公曰:『何以?』對曰:『地近虢、鄶,虢、鄶之君貪而好利,百姓不附。今公為司徒,民皆愛公,公誠請居之,虢、鄶之君見公方用事,輕分公地。公誠居之,虢、鄶之民皆公之民也。』公曰:『吾欲南之江上,何如?』對曰:『昔祝融為高辛氏火正,其功大矣,而其於周未有興者,楚其後也。周衰,楚必興。興,非鄭之利也。』公曰:『吾欲居西方,何如?』對曰:『其民貪而好利,難久居。』……於是卒言王,東徙其民雒東,而虢、鄶果獻十邑,竟國之。」
  5. 史記.鄭世家第十二》:「二歲,犬戎殺幽王於驪山下,並殺桓公。鄭人共立其子掘突,是為武公。」