醛

醛係有碳氫氧官能基（-CHO）嘅碳氫化合物（烴）。最簡單嘅醛係甲醛。醛通常都有好濃嘅氣味，部份係合成香水嘅原料。

甲醛係最簡單嘅醛

合成

氧化一級醇可以整到醛。可以用重鉻酸鉀等氧化劑幫手。但要小心唔好將渠過分氧化成羧酸，所以要喺形成醛之後即刻減壓蒸餾。

亦都可以用其他方法，例如臭氧化反應將烯烴變做醛。但由於反應都可以將烯烴變做酮，所以要小心設計反應底物（烯烴）。