醫好迦百農大臣嘅仔

醫好迦百農大臣嘅仔係《聖經》記載耶穌嘅神蹟之一，記載喺《約翰福音》4章46-54章。

聖經譯文

「	耶穌又到咗加利利嘅迦拿，就係佢之前變水為酒嘅地方。有一個大臣，佢嘅仔喺迦百農病咗。佢聽見耶穌從猶太到咗加利利，就嚟見佢，求耶穌去醫治佢嘅仔，因為佢嘅仔病到就快死。耶穌對佢話：「若果冇睇見神蹟奇事，你哋總係唔信。」個大臣對佢話：「先生，求你趁我個仔未死就一齊去啦。」耶穌對佢話：「返去啦，你個仔會好返！」嗰個人信耶穌所講，就返去。返緊去嘅時候，佢嘅僕人迎面而嚟，話佢嘅仔好返喇。佢就問幾時好返㗎。佢哋話：「噚日下晝一點鐘燒就退咗。」佢就知道嗰陣正係耶穌對佢話「你個仔會好返！」嘅時候；佢自己同全家就都信咗。呢件係耶穌從猶太返到加利利之後所行嘅第二件神蹟。	」
——《約翰福音》4章46-54節

概覽

當耶穌返到迦拿，一位可能係希律安提帕嘅大臣，求耶穌醫治佢嘅仔，耶穌同佢講：「你個仔會好返！」。「大臣」意思即係王嘅臣僕，指希律派往迦拿嘅地方官，可能係猶太人，所以耶穌嘅回答指出猶太人只睇重神蹟。另一派學者認為呢個官係住在25里外迦百農嘅外邦人，所以步行25里嚟求耶穌醫治佢嘅仔，結果佢因著信耶穌所講就即刻返去。重要嘅係，因為呢個神蹟，呢位大臣嘅全家都信咗主。