金守拙

美國漢學家

金守拙粵拼gam1 sau2 zyut3英文George Alexander Kennedy1901年5月17號1960年8月15號)係美國漢學學者。佢知名於喺美國所做嘅中文教育同中文書面文法嘅研究。

金守拙
原文名George Alexander Kennedy
出世1901年5月17號
大清帝國 大清 浙江中文浙江省 (清) 莫干山
1960年8月15號
海上
國籍 美國
職業漢學家

生平同業績

金守拙嘅父母都係基督新教傳教士,金守拙出生喺浙江省莫干山嘅教會(如今湖州市嘅一部分),喺塘棲鎮(如今杭州市餘杭區嘅一部分)養育大。從上海美童公學畢業後,第年嘅1918年過美國,入學烏斯特學院。畢業後去咗匹茲堡嘅西方神學院同埋紐約協和神學院,去學神學,但喺1925年中途退學。

1926年又再返來中國,喺上海教英文同中文。喺1932年入柏林大學,去學中文同日文,佢嘅博士論文係有關唐律自首嘅角色作用(艾利希·希尼舒指導)[1]。佢返咗美國後,1937年正式攞得博士學位。

歸國後佢喺美國國會圖書館做嘢,參加咗《清代名人傳略》嘅執筆。1935年佢獲得耶魯大學嘅中文學、文學講師嘅職位。喺1938年做咗教授,直到過世都做呢個職位[2]。喺耶魯,佢跟住愛德華·薩丕爾李奧拿德·布隆菲德學語言學。

太平洋戰爭開始咗時,耶魯大學成咗爲軍事目的而做嘅外國語短期教育中心,金守拙擔當中文同日文[3]嘅集中教育。爲咗呢個目的,金守拙自己設計咗一套中文羅馬字嘅表記法(耶魯拼音羅馬字),用佢作咗教材。耶魯式拼音喺戰後亦長時間喺美國用喺中文教育上。

戰後嘅1948年,北京大學迎佢做客座教授,但因爲國共內戰而中斷,最後歸國。

學術上,佢有名在於佢嗰啲關於中文書面文法嘅論文,佢嘅研究涉及咗中文嘅他動詞同自動詞(及物唔及物)嘅區別、否定辭、代名詞(我、吾)等。另外佢認爲講中文係單音節語言係種迷信,佢提嘅學說話從古代到現代中文都從來唔會係單音節語。論文集喺佢死後嘅1964年由耶魯大學出版。

  • 李田意(編). 《Selected Works of George A. Kennedy》. 紐黑文: 耶魯大學.

喺1959年,佢得到古根咸嘅獎金,去咗京都大學人文科學研究所搞研究,從日本歸美國嘅船中,因爲心臟病發作而過身。

  1. Die Rolle des Geständnisses im chinesischen Gesetz. 柏林. 1939年.
  2. "Guide to the George A. Kennedy Papers MS 308". . 喺2018年3月3號搵到.
  3. Professor George Kennedy teaching Japanese class守拙教授教日文班. . 2010年6月. 原著喺2016年3月5號歸檔. 喺2018年3月9號搵到.,內有1945年時金守拙教日文時嘅相。

出面網頁