湖州
中國浙江省嘅地級市
(由湖州市跳轉過嚟)
湖州（粵音：wu4 zau1；吳拼湖州話：Ẽw Cieu）喺中國浙江，家下係地級市，叫湖州市。湖州位於太湖南面，「湖州」個「湖」講嘅就係「太湖」，係唯一以太湖起名嘅地方。東面係嘉興，南面有杭州，西面係安徽，北面係江蘇。
| 湖州 | |
|---|---|
| 湖州市 | |
 喺太湖南邊嘅月亮酒店 | |
| ---- | |
| 簡稱：湖 | |
| 花名：菰城、吳興 | |
 湖州位置圖 | |
| 經緯度 | |
| 國 |  中華人民共和國 |
| 省 | 浙江 |
| 地級政區 | 地級市 |
| 轄下一級政區 | 兩個區、三個縣 |
| 轄下二級政區 | 66個鄉級政區 |
| 設市年份 | 1950年 |
| 市長 | 金長征 |
| 市委書記 | 馬以 |
| 地理 | |
| 總面積 | 5818 km² |
| 市區面積 | 92 km² |
| 人口 | |
| 總人口(2012) | 261.38萬 |
| 市區 | 109.53萬 |
| 民族 | 漢族 |
| 官方語言 | 普通話 |
| 本地語言 | 吳語-太湖片-蘇嘉湖小片-湖州話 |
| 經濟 | |
| GDP(2012) | 1661.97億 |
| 人均GDP | 45325（2010年） |
| 市區人均GDP | 32987 |
| 時間 | |
| 時區 | 中國時區（UTC+8） |
| 識別信息 | |
| 電話區號 | +86 (0)572 |
| 郵政編碼 | 313000 |
| 車牌 | 浙E |
| 象徵 | |
| 市樹 | 銀杏 |
| 市花 | 百合 |
| 網站： 湖州市府 | |
湖州係中國有名嘅「蠶都」，係絲綢嘅發源地之一，歷史上係中國四大絲綢之都之一，有「湖絲衣天下」嘅讚譽。亦係有名嘅魚米之鄉、文物寶庫。
史
編輯湖州係有兩千幾年嘅江南古城，係中國蠶絲、茶、湖筆文化嘅發祥地之一。郊區嘅錢山漾遺址出土嘅蠶絲織物係目前考古發現最古嘅絲織品（4700年前）；南潯「輯里絲」喺1815年攞過巴拿馬國際金獎、1851年倫敦首屆世博會金獎。長興顧渚山有過中國第一間貢茶院，係茶聖陸羽舉行茶事嘅重要場所，並且喺度寫咗世上第一部茶學經典《茶經》。「文房四寶」之首嘅「湖筆」喺湖州善璉出產，當地人尊秦代將軍蒙恬做「筆祖」。湖州出過好多人才，係人文薈萃之地，有話「中國書畫史，半部在湖州」，出咗唐代詩人孟郊，元代書畫家趙孟頫，明代小說家凌濛初，現代書畫家吳昌碩，一啲歷史名流比如王羲之、顏真卿、陸羽、蘇軾都來過呢度。
沿革
編輯- 上古時，太伯、仲雍奔吳，開闢吳地，湖州係「三吳」之一（另外係蘇州、吳江）。
- 戰國時，楚考烈王十五年（前248年）春申君封來呢度，修築城池，設菰城縣。「菰城」來由係當地「澤多菰草」。
- 秦滅楚後，前222年喺菰城設烏程縣，得名自當地擅長釀酒嘅烏申、程林兩家。
- 前206年，項羽喺吳中起兵，自立爲西楚霸王，喺湖州起咗個「項王城」。西漢初年呢度係吳王劉濞封國。
- 三國時，東吳喺度設吳興郡，意思係想「吳國興盛」。
- 南梁末年，改名爲震州，呢個名係據太湖起嘅，太湖古名叫「震澤」。
- 隋朝仁壽二年（602年），就根據太湖個名，改爲湖州。喺唐代天寶六年（742年）到乾元六年（758年）年間，湖州一度叫吳興郡。
- 元代，元貞六年（1295年）廢州設路，叫湖州路。至正二十六年（1366年）改爲湖州府。
- 1912年，廢咗湖州府，烏程同歸安合爲吳興縣。
- 1949年，吳興縣城區抽出做吳興市，同吳興縣並立。1950年改做湖州市（縣級），1962年到1970年間撤銷，1981年吳興縣併入湖州市，1983年升為地級湖州市。
轄下變動年表
編輯- 1983年7月27號，撤銷嘉興地區，縣級嘅湖州市升為地級，屬浙江省，設城區、郊區，劃入原先嘉興地區嘅德清縣、長興縣、安吉縣（2區3縣）
- 1988年9月1號，撤銷城區、郊區。（1市3縣）
- 1993年設城區、南潯、菱湖三個區。（3區3縣）
- 2003年1月2號重新劃區爲吳興、南潯兩個區。（2區3縣）
政區
編輯湖州轄2個區、3個縣。