金門菜刀粵拼gam1 mun4 coi3 dou1),係中華民國金門縣嘅特產之一,使用金門砲戰期間中國人民解放軍砲擊金門所用嘅砲彈嘅彈殼製造。金門菜刀好利,又好耐用[1]

編輯

睇埋:金門砲戰
金門菜刀嘅製造過程

1958年至1979年間,中國人民解放軍成日用榴彈砲宣彈砲擊金門,響20年間有超過100萬粒砲彈落喺金門[1];解放軍喺砲擊前期用識爆炸嘅榴彈,後期用唔會爆炸嘅砲宣彈[2],呢兩種炸彈係製造金門菜刀嘅主要原料。

砲戰之後,「金合利鋼刀店」嘅老闆吳君乃買咗好多島內嘅彈殼,用嚟整。由於彈殼嘅鋼鐵嘅質量好好,打製出嚟嘅菜刀特別利兼耐用,即使切硬物都唔容易變形,令到金門菜刀喺台灣好出名。家陣整金門菜刀嘅著名鋼刀店有「金合利鋼刀店」同「金永利鋼刀店」[2][3];由於菜刀有紀念價值,早年去金門當兵嘅台灣後生仔返鄉下嗰時,通常會買幾把嚟留念;台灣海峽兩岸實施「小三通」之後,金門菜刀又成為大陸觀光客爭相搶購嘅產品[1][2]

參考 編輯

  1. 1.0 1.1 1.2 NHK好奇金門菜刀史:打台灣的砲彈作成刀 大陸人特愛 互聯網檔案館歸檔,歸檔日期2009年10月1號,.,今日新聞網,2006/07/14
  2. 2.0 2.1 2.2 門之旅(九). 原著喺2008年4月11號歸檔. 喺2014年7月4號搵到.
  3. 金門菜刀 互聯網檔案館歸檔,歸檔日期2016年3月4號,.,2007-4-17