針灸

針灸（粵拼：zam1 gau3，英文：Acupuncture），係指用針拮或者用火灸人嘅某啲穴位嚟醫病嘅方法。古字鍼灸，係針法同灸法嘅合体，源自古代砭石。中醫學用針拮或火灸穴位黎醫病，係联合国教科文组织认定嘅人类非物质文化遗产代表作。根据中医学理论，刺激穴位可以改善经络中嘅气嘅流向。

針灸被認為起源於公元前100年左右嘅中國，大約係《黃帝內經》出版嗰陣，雖然有啲專家認為可能更早。

針灸喺公元6世紀首先傳咗去韓國，然後由醫療傳教士再傳到去日本，再由法國開始傳播到歐洲。20世紀，隨住針灸傳播到美國同西方，同西方信仰有衝突嘅針灸精神元素有時被嫌棄，取而代之嘅係簡單地將針拮入穴位。

中国宋代銅人，上面有穴位。

中华人民共和国成立后，大陆成立咗中国针灸学会去继承同发展针灸。研究人员结合现代医家嘅临床经验同科研成果，出版咗好多针灸学术专著同论文，创立咗好似"针刺麻醉"呢啲新式针灸。针灸嘅研究亦由单一嘅文献整理发展到对醫病嘅临床疗效做系统观察，结合现代生理学、解剖学、组织学、生化学、免疫学同分子生物学呢啲学科去探讨针灸治疗嘅原理。

現代研究認為針灸嘅療效可能同突觸同埋神經傳導物質有關。

北京、上海、南京而家都有国际针灸培训中心。1987年成立咗世界针灸学会联合会（简称"世界针联"）係世界卫生组织指导下嘅組織，總部設喺北京。