銀城商場（Ngan Shing Commercial Centre）係香港沙田一個商場，嚮沙田第一城屋苑入面，隔離係88R巴士總站，同第一城中心商場隔咗一條銀城街，又以1樓屋苑平台行人天橋連埋。銀城商場係一座4層高嘅多層大廈停車場，而地面嗰層就係商場，呢座商場入面全部都係地鋪，唔少商鋪都係街鋪，食肆餐廳可以見到第一城屋苑街景。而商場正中間租戶係大快活，見唔到有中庭空間。
2010年4月，銀城商場唔少租戶都貼出搬遷或者裝修大減價告示。
