銅鑼灣岳王古廟

  「岳王古廟」跳轉到呢度。想搵各間拜岳飛嘅古廟，請睇「岳王廟」。

銅鑼灣岳王古廟外形像花園別墅

岳王古廟係香港唯一奉祀岳飛為主神嘅廟宇，喺銅鑼灣東部嘅電氣道。

岳王古廟喺第二次世界大戰之前已經有，嗰時係起喺路邊一座高台之上嘅，後嚟由於該區開始發展同埋修築馬路，先至喺路邊建築石墻維護古廟，再加建門樓加以關欄，因為太過趕急起，又冇加以設計，起成一座西式化嘅三合土門樓同埋鐵閘，用花崗石砌嘅圍牆亦似花園別墅嘅圍牆。

八十年代尾銅鑼灣警區未同北角警區合併之前，岳王古廟附近係前銅鑼灣警署，銅鑼灣街市，唔少警務人員都信奉精忠報國嘅岳王爺，每到岳王神誕，都會去到廟中賀誕上香。

睇埋

• 岳王廟

參考

• 《香港廟趣》，魯金著，第15-16頁，「銅鑼灣岳王古廟」，次文化堂，ISBN 978-962-7420-88-3