錢雲會案
錢雲會案（中國大陸官方叫樂清蒲岐"12·25"交通肇事案）係中國一單車死人案，2010年12月25號上晝九點幾，浙江省溫州市嘅樂清市蒲岐鎮寨橋村村民錢雲會，響虹南公路寨橋村路段，畀架車牌「皖K5B323」嘅解放牌重型自卸貨車碌死，司機係啱啱出獄幾日嘅費良玉. 之後幾日有暴動，亦有網上同各國媒體[1]報道，同埋一連串調查。
死者錢雲會死前幫寨橋村村民爭取權益，"上訪"咗好多次幾多次？。2005年，喺寨橋村村民委員會主任嘅民主選舉裏面，錢雲會得 2300 票（九成二嘅選票）當選，村民叫佢做村長[2]。案發之後，死者嘅親屬同埋目擊證人話錢雲會俾人謀殺，之後樂清市警方召開新聞發佈會，叫呢件事做「交通事故」[3]， 當地政府對包括死者女兒女婿嘅家屬，知情嘅村民，同埋外地嚟嘅公民記者未審先判，又派人恐嚇村民，規定村民只能講同公安一致嘅講法，否則就拉人[4]。
公安搶屍引發警民衝突
編輯案發後，村民組織起嚟保護現場。當地公安其後兩度試圖帶走錢雲會條屍，最後喺嗰日晏晝4點將條屍帶走，重同村民衝突。有六個村民後來俾當地警方用涉嫌尋釁滋事呢個理由刑事拘留，當中包括件事嘅目擊證人。錢雲會個女、女婿同埋個仔都俾公安帶走[5]， 囚禁喺看守所[6]。
錢雲會嘅堂細佬錢雲龍（化名）住喺虹橋鎮，佢響10點左右嚟到事發現場。當時交警話畀佢聽，呢單係交通事故，要清理現場。家屬同意清理現場，但要睇咗監控片段，確定死因先。家屬跟住交警去派出所睇，但俾人擋喺門外，話村民打傷咗鎮上嘅警察。
參考
編輯- ↑ "Rumours over death reveal China's distrust of authority", BBC, 28-1-2011
- ↑ 深圳新聞網 (2010-12-27)。〈浙江一上訪村長遭撞死 傳被5人按住由車碾壓〉。網易。喺2010-12-28搵到。
- ↑ 人民網 (2010-12-27)。〈浙江樂清定性"上訪村主任死亡"為交通肇事案〉。網易。原著喺2010-12-30歸檔。喺2010-12-28搵到。
- ↑ 2011-1-13鳳凰衛視《社會能見度》錢雲會事件調查
- ↑ 第一財經日報 (2010-12-28)。〈樂清村長之死〉。新浪財經。喺2010-12-28搵到。
- ↑ 〈浙江樂清公安官方微博"交通事故說"刪除〉。《福建省東南快報》。中青在綫新聞頻道。2010-12-28。原著喺2011-01-02歸檔。喺2011-01-20搵到。
- ↑ 新浪 (2011-01-05)。〈怨恨的鏈條：錢雲會之死與村民之爭〉。三聯生活周刊。喺2011-01-05搵到。