錦繡山太陽宮殿
錦繡山太陽宮殿（금수산태양궁전），之前叫錦繡山議事堂（금수산의사당）同錦繡山紀念宮殿（금수산기념궁전），係金日成墓，喺北韓首都平壤東北郊。宮殿原本係已故北韓開國領袖金日成嘅辦公室，1994年之後，改名為「錦繡山紀念宮殿」。2011年（主體紀年100年）12月19號，佢位繼承人金正日條屍都安放响個處。2012年2月16日，為咗紀念金正日誕辰70周年，北韓將「錦繡山紀念宮殿」改名為「錦繡山太陽宮殿」。
2011年（主體紀年100年）12月19號，朝鮮中央電視台主播李春姬對外公布第二代最高領導人金正日嘅死訊，當局將金正日移靈去錦繡山紀念宮殿，重喺第二日舉行國葬儀式，重畀民眾瞻仰遺容。後來當局安排咗由朝鮮黨政軍高層參加嘅正式告別式，內定繼承人金正恩同埋其他黨政軍首腦喺到目送金正日最後一面。