鍾達茵（英文：Pam Chung，1980年11月—）係香港女和音歌手[1]，而家係ViuTV音樂節目《Chill Club》嘅常駐和音歌手[2]。
鍾達茵喺2007年開始做音樂幕後工作，包括和音同埋音樂編程，曾經參與過過百場演唱會，亦幫過陳奕迅、容祖兒、薛凱琪等等歌手作曲填詞。佢2020年用歌手身份推出頭一隻主唱嘅歌《明明愛你》，而呢隻歌原版係佢2011年創作，賣咗畀臺灣歌手林凡演唱。
