長堤
想搵第二個意思嘅話，請睇長堤 (搞清楚)。長堤喺廣州市南關、珠江北岸，係東西走向嘅。喺長堤大馬路、沿江路一帶，大致東起北京南路、西接人民南路，長約二公里。呢度喺清朝初期係珠江河道，後尾珠江沿岸淤積加劇，河灘發育，到咗大清末年形成咗陸地。
喺光緒十二年（1886年），由於廣州交通閉塞，張之洞就建議喺江邊起馬路，奏請咗朝廷批准，喺省河北岸修築長堤，嗰陣計畫個堤係整東西共長1800丈多啲，由南關天字碼頭整起先，分成10段陸續施工，“修成之堤，一律堅築馬路以便行車，沿堤多種樹木以蔭行人，馬路以內通修鋪廊以便商民交易，鋪廊以內廣修行棧、鱗列櫛比。”[1]
工程由1889年（光緒十五年）4月開始，到咗張之洞調離廣東陣，經完成咗天字碼頭第一段堤岸及官輪碼頭工程。呢段江堤長約120丈，堤岸填闊約5丈，路面鋪埋沙石。呢個係廣州第一條由華人整出來嘅馬路[2]。
到咗1912年尾竣工。1920年北側整好埋馬路，呢個就係長堤大馬路，東西兩端均駁返宜家嘅沿江西路。呢度有廣東省總工會、中山大學孫逸仙紀念醫院、華夏百貨公司（原先施公司）、大三元酒家、愛羣大酒店、海珠大劇院等，係廣州輝煌時代繁華嘅商業區之一。
陳濟棠做廣東一哥陣，喺1931年，又喺長堤大馬路南邊，填築咗東自龍王直街（原長堤電燈局）、西至仁濟路口嘅一段彎曲河岸淺灘，炸走咗阻擋嘅海珠礁石，耗資75萬，整好咗1159米長、11～20米闊嘅蠟青路面嘅新堤大馬路（今沿江西路），起自永安堂（今市兒童圖書館）東端，止於愛群大廈西端。原為河岸嘅長堤大馬路就變成咗內街。呢個工程既清理咗珠江河道主要險段，又辟出大片陸地起到咗馬路、街道，由此獲得鋪位面積近40萬方同埋一大片廣場。到呢陣時，天字碼頭起向西直到廣州海關成為咗直筆甩嘅河岸馬路[3]。