門仔塘

門仔塘以前係香港藍巴勒海峽一個漁港兼避風塘。個塘響青衣島同牙鷹洲之間。個塘有東同北兩口，連住藍巴勒海峽。個位置即係家下長安邨同長發邨。

歷史

門仔塘雖然係避風塘，但係舶滿晒艇都係要去到1960年代。響呢個時間，葵涌大量填海做荃灣新市鎮，成個醉酒灣都填晒。本來住響呢度嘅水上人，就迫住連人帶船去到對面青衣島度舶，但係門仔塘實在太細，同醉酒灣無得比，而且佢水又唔係好深，好多船舶咗入去就無出返來。美國經援協會(CARE)就響門仔塘附近個山仔，幫啲漁民起屋，之後交畀香港明愛發展，就係青衣城對面山仔嘅漁民村同聖保祿村。另外，響山頂，漁類統營處亦咗間青衣漁民子第學校，畀漁民仔女讀書。

到咗1980年代，荃灣新市鎮又伸到來青衣門仔塘，成個塘填平。呢班人又要搬，不過今次係搬上樓，住公屋。其中一啲就搬咗上長青邨青桃樓，係特登起畀漁民。