關愛共享計劃(英文:Caring and Sharing Scheme)係香港政府計劃喺2019年向符合相關條件嘅香港市民發放最多4,000港元嘅計劃。

背景 編輯

財政司司長陳茂波喺2018年2月28號發表2018-19年度《財政預算案》,畀坊間批評政府有巨額盈餘之下,「還富於民」嘅措施(俗稱「派糖」)只有好少人受惠,結果政府喺3月23號公佈推出「關愛共享計劃」,保證人人都有4,000港元嘅受惠。

受惠對象 編輯

  1. 申請人首先要喺2018年12月31號符合下面四個條件:
    1. 夠18歲;
    2. 香港身份證(包新來港人士,但唔包嚟香港工作、求學、接受培訓嘅香港非永久性居民同佢哋嘅受養人,亦唔包用訪客身分嚟香港嘅人);
    3. 通常居住喺香港(包暫時離開香港而喺合理預期情況下會返香港住嘅人,例如出差、留學、求醫,但唔包移居海外人士);
    4. 無攞2018-19年度《財政預算案》對綜合社會保障援助長者生活津貼高齡津貼或者傷殘津貼發放嘅額外兩個月款項。
  2. 除上面四個條件:
    1. 如果唔使薪俸稅,喺香港無物業,可以攞全額4,000蚊津貼。
    2. 如果唔使薪俸稅,喺香港有一個自住物業,而差餉寬減額少過4,000蚊,可以申請4,000蚊扣除差餉寬減嘅餘額。
    3. 如果要交薪俸稅,喺香港無物業,而薪俸稅稅款寛減額少過4,000蚊,可以申請4,000蚊扣除薪俸稅稅款寛減嘅餘額。
    4. 如果要交薪俸稅,喺香港有一個自住物業,而差餉寬減額加埋薪俸稅稅款寛減額少過4,000蚊,可以申請4,000蚊扣除薪俸稅稅款寛減加埋薪俸稅稅款寛減嘅餘額。

申請安排 編輯

關愛共享計劃由在職家庭津貼辦事處負責,喺2018年12月31號公佈申請安排。計劃喺2019年2月1號到4月30號接受申請,可以喺1月21號開始攞表格。

除咗填好咗嘅表格,申請人要交埋下面嘅證明文件:

  • 香港身份證副本;
  • 顯示申請人係帳戶持有人同列有帳戶號碼嘅銀行存摺首頁、提款卡或銀行月結單副本(如果無銀行戶口,可以唔交)。

初頭要提交埋申請日期前3個月內嘅住址證明副本,但之後取消咗呢個規定。

遞交申請方式可以郵寄或者放落指定地點嘅投遞箱。

睇埋 編輯

參考 編輯

出面網頁 編輯