阮儀三
阮儀三（粵拼：jyun5 ji4 saam1，蘇州話拼音：nyioe231 nyi223 se44；1934年11月21號— [1]），江蘇蘇州人，祖籍揚州，同濟大學建築與城市規劃學院教授、國家歷史文化名城研究中心主任、全國歷史文化名城保護專家委員會委員、歷史文化名城學術委員會副主任、古城鎮保護專家。師承園林大師陳從周。
佢帶領嘅團隊曾經保護過山西平遙、江蘇周庄等唔少中國古城鎮，所以佢亦被稱作「中國世遺之父」、「古城衛士」、「古城保護神」。
生平
編輯- 1934年11月21號喺蘇州出世。
- 1951年到1956年喺中國人民解放軍海軍部隊服役。
- 1956年9月考入同濟大學，之後師從陳從周。
- 1961年7月留校任教。
- 1980年代以來從事古村鎮調查、保護同發展規劃工作。
- 2006年6月9號，成立上海阮儀三城市遺產保護基金會。
- 2014年3月29號，攞到美國聖母院大學頒嘅Henry Hope Reed Award，成為第一個攞呢個獎嘅亞洲學者[2]。
功績
編輯阮儀三同佢帶嘅團隊保護同規劃咗唔少古城鎮、歷史街區，包括：
- 山西平遙古城（入選世界歷史文化遺產）
- 雲南麗江古城（入選世界歷史文化遺產）
- 京杭大運河（入選世界歷史文化遺產；攞國際規劃師協會（ISOCARP）第二届傑出成就獎[3]）
- 江南古鎮（周庄、同里、
甪 直、南潯、烏鎮、西塘等12個鎮；攞亞太地區文化遺產保護傑出成就獎[4]） - 蘇州平江歷史街區（攞亞太地區文化遺產保護榮譽獎[4]）
- 山東新城鎮（攞2011年度山東省優秀村鎮規劃設計二等獎[5]）
- 揚州古城
- 上海北外灘
- 福建三坊七巷、永寧古衞城
- 刀下留城救平遙
1980年，阮儀三來山西平遙考察，見到城牆拆緊。於是同平遙縣政府提議，要佢哋即刻停止「建設性破壞」工程。之後，阮儀三重新編製《平遙縣城總體規劃》，重去北京同全國政協委員傾呢劑嘢。卒之喺下半年爭取到文化部撥款七萬文，愛來恢復古城牆[6]。
1997年，平遙古城被率先列為世界文化遺產，阮儀三「刀下留城救平遙」亦成咗文保史上嘅一段佳話[6]，佢重被人稱作「中國世遺之父」。
著作
編輯- 《遺珠拾粹:中國古城古鎮古村踏察》
- 《古城筆記》
- 《江南古典私家園林》
- 《從上海到澳門:同濟大學城市遺產保護與規劃創新典型案例》
- 《上海石庫門》
- 《中國江南水鄉古鎮》
- 《中國歷史文化名城系列》嘅《周庄》、《西塘》、《烏鎮》、《同里》、《南潯》、《天津》、《常熟》、《韓城》、《甪直》、《濮陽》、《拉薩》等
攷
編輯- ↑ 〈[面對面]阮儀三：護城記〉 (簡體中文)。央視新聞頻道。2014年11月22號。喺2016年4月10號搵到。
- ↑ "Chinese Preservationist Ruan Yisan to Receive 2014 Henry Hope Reed Award in Chicago" (英文). Prweb. 2014年3月24號. 喺2016年4月10號搵到.
- ↑ 〈古城保護專家阮儀三與大運河的不解之緣〉 (簡體中文)。同濟大學新聞網。2014年7月24號。喺2016年4月10號搵到。
{{cite web}}: CS1 maint: url-status (link) - ↑ 4.0 4.1 〈「古城衛士」阮儀三〉 (簡體中文)。揚州日報網。2013年12月15號。喺2016年4月10號搵到。
{{cite web}}: CS1 maint: url-status (link) - ↑ 〈關於二〇一一年度山東省優秀村鎮規劃設計評選結果的公示〉。山東省住房和城鄉建設廳。2012年3月26號。喺2016年4月10號搵到。
{{cite web}}: CS1 maint: url-status (link) - ↑ 6.0 6.1 〈阮儀三：刀下留城救平遙 一生奮鬥為古城〉。人民網。2010年11月11號。原著喺2020年6月28號歸檔。喺2016年4月10號搵到。