阿剌伯

阿剌伯（阿拉伯文：عرب‎）係亞洲西南一大片地方，不過範圍可大可細。一般來講主要係阿剌伯半島，即係東面係波斯灣、幼發拉底河域，南面係印度洋，西面係蘇彝士地峽同紅海，北面就穿過沙漠，伸到去美索不達米亞同敍利亞。有啲定義亦都包埋西奈半島。

古代中文阿剌伯呢度地方叫天方或大食。近年受中國大陸官方影響，亦都寫做阿拉伯。

阿剌伯大部份地方都係好乾。上面住咗好多唔同種人。不過受到回敎影響，佢哋都認自己做阿剌伯人。因為回敎影響力好廣泛，所以唔少信回敎，響阿剌伯附近嘅亞洲、非洲各國都叫歸自己係阿剌伯，因為噉叫佢做阿剌伯世界。