阿塞拜疆同格魯吉亞嘅關係

阿塞拜疆（阿塞拜疆文：Azərbaycan Respublikası；英文：Azerbaijan）同格魯吉亞（格魯吉亞文：საქართველო；英文：Georgia）呢兩個前蘇聯加盟共和國，係相鄰小國，佢哋之間有相當密切既外交關係；阿塞拜疆喺第比利斯（格魯吉亞文：თბილისი；英文：Tbilisi）有大使館，格魯吉亞喺巴庫（阿塞拜疆文：Bakı；英文：Baku）亦有大使館。兩個國家都係歐洲委員會、歐洲安全合作組織（歐安組織）同埋黑海經濟合作組織（黑海經合組織）既正式成員。呢兩個國家同烏克蘭、摩爾多瓦都係古阿姆集團（俄文：ГУАМ；英文：GUAM ）既四個創始成員國之一。

兩國既關係密切、友好，格魯吉亞前總統薩卡什維利（格魯吉亞文：მიხეილ სააკაშვილი）曾經形容兩國關係係「邊個同阿塞拜疆或者格魯吉亞對立，就係我哋兩個國家既敵人」。

僑民

格魯吉亞有284,761個阿塞拜疆人。佢哋係格魯吉亞最大既少數民族，佔格魯吉亞人口既 6.5%，主要分佈喺克維莫卡特利州 （格魯吉亞文：ქვემო ქართლის მხარე；英文：Kvemo Kartli）、卡赫蒂州（格魯吉亞語：კახეთი；英文：Kakheti）、什達卡特利州（格魯吉亞文：შიდა ქართლი；英文：Shida Kartli）同姆茨赫塔-姆季阿涅季州（格魯吉亞文：მცხეთა-მთიანეთის მხარე；英文：Mtskheta-Mtianeti）。

格魯吉亞既首都第比利斯亦都有一個大型既阿塞拜疆社區。 阿塞拜疆既格魯吉亞少數民族人數比較少，佢哋叫做英吉洛伊人（英文：Ingiloys；格魯吉亞文: ინგილოები; 阿塞拜疆文: İngiloylar）。

阿塞拜疆總統伊利哈姆阿利耶夫（阿塞拜疆文：İlham Əliyev；英文：Ilham Aliyev）喺2019年10月9號喺巴庫會見格魯吉亞總理喬治·加卡里亞（格魯吉亞文：გიორგი გახარია；英文：Giorgi Gakharia）

歷史

格魯吉亞同阿塞拜疆自從1918年首次成為獨立國家以嚟，兩國一直都保持友好關係。1919年6月16號，阿塞拜疆民主共和國同喬治亞民主共和國簽署咗第一個防禦條約，目的係對抗由安東鄧尼金（俄文：Анто́н Ива́нович Дени́кин；英文：Anton Denikin）將軍領導，叫做白軍既既志願軍，白軍威脅會對兩國既邊境發動攻擊。 雖然兩國喺扎卡塔拉（阿塞拜疆文：Zaqatala）地區有領土爭端，格魯吉亞對阿塞拜疆支持曾經短暫存在既傀儡政權西南高加索臨時國民政府（英文：South West Caucasian Republic；阿塞拜疆文：Cənub-Qərbi Qafqaz Cümhuriyyəti）表示過擔憂， 但係兩國仍然能夠喺俄國內戰既混亂歲月之中保持和平關係。1920年4月阿塞拜疆俾布爾什維克（俄文：большевик）軍隊佔領之後，阿塞拜疆政治精英既幾名重要成員搬咗去格魯吉亞，不過無幾耐，格魯吉亞亦喺1921年初落入咗前蘇聯既手中。喺1922年，兩個國家都俾蘇聯吞併咗，成為蘇聯加盟共和國，喺呢段時間佢哋一直保持住良好既關係。

1991年12月26號，蘇聯解體，阿塞拜疆同格魯吉亞恢復咗獨立國家既地位，佢哋喺1992年11月18號建立咗外交關係。為咗平衡區域利益，1997年10月10號，阿塞拜疆同格魯吉亞成為古阿姆集團四個創始成員國當中既兩個。各國喺巴庫-第比利斯-傑伊漢輸油管（Baku-Tbilisi-Ceyhan pipeline）、巴庫－第比利斯－卡爾斯鐵路（Kars-Tbilisi-Baku railway）、 歐洲-高加索-亞洲運輸走廊（TRACECA） 、黑海經合組織（BSEC）等區域能源開發、交通同經濟夥伴關係項目上面都有好廣泛既合作。格魯吉亞同亞塞拜然既區域軍事同安全聯盟基於北約既和平夥伴計畫（Partnership for Peace Program），亦都同土耳其有共同保護巴庫-第比利斯-傑伊漢輸油管既協議。

能源

1990年12月， 茲維亞德·加姆薩胡爾季阿（Zviad Gamsakhurdia）領導下既格魯吉亞同亞塞拜然簽署咗經濟、科學、技術同文化領域既合作協議。1993年2月，謝瓦爾德納澤領導之下既格魯吉亞同阿塞拜疆締結咗一項影響深遠既友好、合作同相互關係既條約，內容包括共同安全安排，並保證格魯吉亞唔會向亞美尼亞再出口阿塞拜疆既石油或天然氣。 1993年，第一次納戈爾諾-卡拉巴赫戰爭（first Nagorno-Karabakh War）期間，阿塞拜疆試圖向格魯吉亞施壓，要求加入對亞美尼亞（英文：Armenia）既封鎖，但係唔成功。

兩國透過多個重要既區域合作項目連繫起嚟，包括「巴庫-蘇普薩」（Baku-Supsa）同「巴庫-第比利斯-傑伊漢」（Baku-Tbilisi-Ceyhan）石油管道，同埋「巴庫-第比利斯-埃爾祖魯姆」（Baku-Tbilisi-Erzurum）天然氣管道。兩國仲喺建設巴庫-第比利斯-卡爾斯鐵路（Baku-Tbilisi-Kars railway），呢條鐵路將兩國同歐洲連接起嚟。阿塞拜疆亦都係格魯吉亞最重要既貿易夥伴之一。

貿易

格魯吉亞出口到亞塞拜疆既產品包括水泥、火車頭同其他鐵路車輛、礦物、化肥、礦泉水、烈性飲料、玻璃同玻璃器皿、藥品等。亞塞拜疆出口到格魯吉亞既產品包括石油同石油產品、天然氣、塑膠製品、水果蔬菜、食品、家具同建築材料等。

邊界

雖然兩國喺能源領域既關係良好，但係格魯吉亞同阿塞拜疆既邊界仍然存在不確定性，有待兩方釐清。尤其有爭議既係格魯吉亞既大衛加列加修道院建築群（David Gareja monastery complex），嗰個修道院由兩國瓜分。 格魯吉亞外交部副部長喬治·曼加拉澤（Giorgi Manjgaladze）提議，格魯吉亞願意用其他領土換取修道院建築群既其餘領土，佢提出既因為係呢啲修道院建築群對格魯吉亞人嚟講好有歷史同文化意義。由於大衛·加列加修道院建築群喺戰略同軍事上既重要性，亞塞拜疆唔接受呢次土地交換建議 。 2007年4月，阿塞拜疆外交部副部長哈拉夫‧哈拉福夫（Khalaf Khalafov）表示，間修道院「係高加索阿爾巴尼亞人（Caucasian Albanians）既家園，據信佢哋係阿塞拜疆最早既居民」。 對呢種講法，格魯吉亞外交部長蓋拉·貝朱阿什維利（Gela Bezhuashvili）表示，哈拉福夫既歷史讀得唔好，佢應該深入研究下世界歷史。

阿塞拜疆官員喺最近既評論嗰度證實，阿塞拜疆「願意同格魯吉亞一齊執行修復修道院建築群既聯合計畫」。 不過，官方關於修道院建築群可能成為「共享旅遊區」既建議引發咗格魯吉亞公眾既憤慨。全格魯吉亞大主教伊利亞二世（Catholicos-Patriarch of All Georgia Ilia II）表示，「呢座修道院係一座神聖既聖地，應該完全喺屬於格魯吉亞既土地上面 」。 格魯吉亞總統米哈伊爾·薩卡什維利淡化咗呢個爭端，佢表示「可以透過友好對話嚟解決呢個問題」。

爭議

雖然阿塞拜疆同格魯吉亞既關係好好，但係亦都間唔中會發生一啲爭議。 2015年7月2號，喺格魯吉亞首都第比利斯（Tbilisi）舉行既「2015–16 歐洲聯賽預選賽首回合比賽」（UEFA Europa League qualifier），格魯吉亞既戴拿模（Dinamo）對陣阿塞拜疆既卡巴拉（Gabala）比賽緊既時候，發生咗一單叫做「足球醜聞」既具爭議性事件。呢件事對阿塞拜疆同格魯吉亞既關係構成咗嚴重既威脅，引發咗阿塞拜疆民眾既憤怒。

一件嚴重既事件發生喺比賽期間，比賽開始咗無幾耐，格魯吉亞球迷帶咗一張大幅海報，上面寫著「我哋記住1921年既紮卡塔拉同卡赫」（註：歷史上，薩因吉洛省（Saingilo），部分人口係格魯吉亞人，依家係亞塞拜疆既一部分。格魯吉亞球迷提起呢段歷史，聲稱嗰度歷史上係格魯吉亞既領土，布爾什維克喺1920年代初期，錯誤咁將嗰度畫咗俾亞塞拜疆蘇維​​埃社會主義共和國）。經過咗歐足聯在場職員既努力，張海報終於俾喺場地既職員沒收咗。 呢件事發生咗之後，第比利斯戴拿模足球會既管理層好快就發表咗聲明，譴責呢件事，同嗰啲「足球流氓」保持距離，畫清界線。格魯吉亞政府高層官員亦都立即就事件作出回應。 格魯吉亞總理伊拉克利‧加里巴什維利（Irakli Garibashvili）話：「同阿塞拜疆政府同人民既戰略關係，對格魯吉亞嚟講係好重要既，身為格魯吉亞政府首腦，我堅決聲明，我哋唔會容許任何人做出咁樣既挑釁行為，令到我哋同阿塞拜疆既關係蒙上陰影」；同時，佢亦都要求佢既內政部對呢單嘢展開調查。

2019年，阿塞拜疆同格魯吉亞之間既緊張局勢又再升溫，因為兩國對於大衛·加列加修道院建築群既擁有權問題存在爭議。

外交

;阿塞拜疆共和國

• 第比利斯 (大使館)
• 巴統 (總領事館)

;格魯吉亞共和國

• 巴庫 (大使館)
• 佔賈 (總領事館)