陳慧嫻
呢篇文 需要補充更多來源。 |
陳慧嫻（粵拼：can4 wai6 haan4；英文：Priscilla Chan Wai Han；1965年7月28號—）係香港女歌手，活躍於1980年代到1990年代。
| 陳慧嫻 | |||||
|---|---|---|---|---|---|
 陳慧嫻喺寶麗金Forever演唱會新加坡站（2014年7月） | |||||
| 女歌手 | |||||
| 羅馬拼音 | Chan Wai Han | ||||
| 英文名 | Priscilla Chan | ||||
| 別名 | 慧嫻、PC、傻女、公主、帽子天后、娴公主、粵語天后、鐵肺娘子 | ||||
| 國籍 |  中國（香港） | ||||
| 籍貫 | 廣東番禺 | ||||
| 出世 | 1965年7月28號.svg){kind=small} 英屬香港 | ||||
| 職業 | 歌手 | ||||
| 語言 | 粵語、英文、普通話、日文 | ||||
| 教育程度 | 香港浸會學院英文系肄業 美國雪城大學心理學系學士（榮譽）畢業 | ||||
| 母校 | 瑪利曼小學 瑪利曼中學 香港浸會學院 美國雪城大學 | ||||
| 宗教信仰 | 羅馬天主教 | ||||
| 父母 | 陳澄波（父） | ||||
| 屋企人 | 1弟1妹 | ||||
| 音樂類 | 華語流行、粵語流行 | ||||
| 出道地 | 英屬香港 | ||||
| 出道日期 | 1983年 | ||||
| 出道作品 | 《逝去的諾言》（1984） | ||||
| 代表作品 | 《逝去的諾言》（1984） 《玻璃窗的愛》（1984） 《花店》（1985） 《跳舞街》（1986） 《痴情意外》（1986） 《與淚抱擁》（1986） 《去吧！》（1987） 《傻女》（1988） 《人生何處不相逢》（1988） 《千千闋歌》（1989） 《夜機》（1989） 《飄雪》（1991） 《紅茶館》（1992） 《今天的愛人是誰》（1994） 《戀戀風塵》（1995） 《心滿意足》（1996） 《奇妙旅程》（1996） 《玩味》（1998） 《明日有明天》（2003） | ||||
| 活躍年代 | 1983年－2001年、2003年－2004年、2007年到而家 | ||||
| 唱片公司 | 法安利（1983－1986） 寶麗金（1986－1997、2013－2022） 新藝寶（1998－2001） 環球唱片（2003－2004） 國際娛樂（2007－2008，合作形式） 創意家族（2022－） | ||||
| 經紀公司 | 法安利（1983－1990） 環球唱片（2015－2022） 英皇娛樂（2022－） | ||||
| 網站 | 陳慧嫻嘅facebook頁 陳慧嫻嘅Instagram頁 陳慧嫻嘅新浪微博 | ||||
| 網路電影資料庫（IMDb）資訊 | |||||
| |||||
生平
編輯1983年俾香港嘅樂壇名人，嗰陣喺法安利唱片公司嘅安格斯發掘，同陳樂敏以及黎芷珊喺1983年錄嘅「少女情懷」唱片《少女雜誌》。大碟1984年初推出，就開始陳慧嫻嘅歌唱事業。
1984年8月出咗首張個人大碟《故事的感覺》，主打歌《玻璃窗的愛》成績相當好，1985年1月喺日本出咗日語EP《千年戀人》同雜錦大碟《千年戀人、少女雜誌》，9月喺香港出咗《陳慧嫻Priscilla Chan》大碟，歌曲《花店》一曲大受歡迎，1986年，陳慧嫻同寶麗金唱片公司簽約，經過重新包裝嘅形象，推出唱片《反叛》，當中好似《跳舞街》、《與淚抱擁》、《痴情意外》呢啲歌令到佢踏上一線歌手。1987年喺《變變變》大碟後嘅陳慧嫻宣佈唱片合約約滿後（1990年）計劃到外地升學，去美國讀書。
1987年推出嘅唱片《嫻情》，當中嘅《傻女》一曲唱到街知巷聞，係香港樂壇經典金曲之一。1988年相繼推出咗《傻女》（國語版本）、《秋色》兩張唱片，當中嘅《人生何處不相逢》、《Joe le taxi》大受歡迎。
1989年臨走前嘅唱片《永遠是你的朋友》賣到35萬張，係當年嘅冠軍，當中嘅告別歌《千千闋歌》更為佢攞咗唔少獎，1990年2月去咗美國紐約州雪城大學繼續學業。
1991年寶麗金唱片公司派人去美國遊說陳慧嫻喺放假期間錄一隻新碟，即係1992年推出嘅《歸來吧》，當中《飄雪》、《紅茶館》都好受歡迎，令陳慧嫻決定喺畢業後再投入演藝工作。1993年出咗《你身邊永是我》唱片同埋拍無綫電視音樂特輯《紐約嫻情》，1994年底喺紐約州雪城大學畢業，同一年10月出咗《今天的愛人是誰》新曲+精選，當中嘅《今天的愛人是誰》榮登四台冠軍歌，1995年佢重返樂壇，推出二張銷量高《Welcome Back》同《我不寂寞》大碟，同劉德華參與商台廣播劇《我心不死》廣播劇大受歡迎。1996年，陳慧嫻喺農曆新年於紅館舉行一連十場《雪映美白演唱會》同埋出咗新曲+精選碟《心滿意足》造勢，同年出咗《問題女人》大碟拍無綫電視音樂特輯《英倫奇緣》，1997年舉行咗兩場《慧嫻·港樂奇妙旅程》演唱會。同埋出咗國語碟《心就要飛了》，同一年，寶麗金唱片公司宣布咗陳慧嫻嘅唱片累計總銷量超過1000萬張。
2000年，陳慧嫻感到推出嘅碟都反應冷淡，事業走下坡，翌年因為壓力問題患咗焦慮症，退隱兩年，幾乎喺香港樂壇度消失。
2003年得到環球唱片公司陳少寶嘅邀請而復出樂壇，推出唱片《情意結》同埋舉行兩場《陳慧嫻.2003珍演唱會》，反應幾好。但唱片喺市場上叫好唔叫座，賣得唔多，陳慧嫻表示心灰意冷就重返校園修讀心理學碩士課程。
2007年簽約國際娛樂有限公司，同年7月正式宣布再戰樂壇，重新出發。
2008年1月4號開咗官方blog「嫻蹤網」，1月28號出咗全新單曲《無名指》，2008年2月8號同9號開咗兩場《陳慧嫻活出生命II演唱會2008》。2008年3月以「道路安全大使」身分唱咗道路安全主題曲《願景》同拍咗宣傳廣告。 2008年4月環球唱片出咗活出生命II演唱會CD、VCD、DVD。2008年9月13號舉行咗《2008陳慧嫻巡迴奇妙世界演唱會上海站》。2008年12月簽咗做內地護膚品牌「巴黎艾爾詩丹」代言人兩年。2009年1月喺多倫多、聖地牙哥、康州舉行咗4場《奇妙世界演唱會》。同時好積極咁喺香港同各地演唱。
2010年造咗「亞運歌手」，唱咗亞運會其中一首主題曲《亞細亞》，7月12號官方新浪微博開幕，7月24號舉行《陳慧嫻 2010年激情盛放亞細亞（ASIA）巡迴演唱會廣州站》，9月21號舉行《陳慧嫻 2010年激情盛放亞細亞（ASIA）巡迴演唱會佛山站》，11月6號舉行《陳慧嫻 2010年激情盛放亞細亞（ASIA）巡迴演唱會澳門站》，11月13號舉行《陳慧嫻 2010年激情盛放亞細亞（ASIA）巡迴演唱會成都站》。
2011年發表咗單曲《雪飛花》，11月11號舉行咗《陳慧嫻 2011年激情盛放亞細亞（ASIA）巡迴演唱會重慶站》。2012年4月汶川地震四周年推出咗紀念單曲《讓愛綻放》，8月18日舉行咗《2012年陳慧嫻天后歸來吧•嫻情雪飛花南寧演唱會》，11月24號舉行《2012年陳慧嫻天后歸來吧•嫻情雪飛花廣州演唱會》。2013年4月返咗環球唱片，而環球唱片特登重開寶麗金廠牌做佢嘅唱片公司，2014年4月7號出咗翻唱專輯《By Heart》，唱片喺市場上榮登香港唱片商會銷量榜冠軍位置五星期，同埋喺6月19-21號紅磡香港體育館開咗3場「Back to Priscilla 陳慧嫻三十周年演唱會」。
2015年1月31號舉行咗《Back to Priscilla 30th Anniversary Concert》東莞站，7月11號舉行咗《Back to Priscilla 30th Anniversary Concert》雲頂站，7月18號舉行《Back to Priscilla 30th Anniversary Concert》南寧站。9月5號，喺澳門威尼斯人金光綜藝館舉行咗《Back to Priscilla 30th Anniversary Concert》澳門站。11月推出咗翻唱專輯《Evolve》，12月5號，喺上海梅賽德斯奔馳文化中心舉行咗《Back to Priscilla 30th Anniversary Concert》上海站。
2016年3月4-7號喺紅磡香港體育館舉行咗4場《陳慧嫻Priscilla-ism演唱會》，5月7號喺廣州體育館舉行咗《陳慧嫻Priscilla-ism演唱會》廣州站，6月被「麥當勞叔叔兒童之家」選做總義工領袖，9月30號喺上海梅賽德斯奔馳文化中心舉行咗《陳慧嫻Priscilla-ism演唱會》上海站。2017年6月10號喺華潤深圳灣體育中心舉行咗《陳慧嫻Priscilla-ism演唱會》深圳站，7月1號喺澳門威尼斯人金光綜藝館舉行咗《陳慧嫻Priscilla-ism演唱會》澳門站，8月12號喺東莞籃球中心舉行咗《陳慧嫻Priscilla-ism演唱會》東莞站，9月3號喺美國內華達州Reno Event Center舉行咗《陳慧嫻Priscilla-ism演唱會》雷諾站，12月16日喺武漢華中科技大學光谷體育館舉行《陳慧嫻Priscilla-ism演唱會》武漢站。
2018年3月17號喺重慶國際博覽中心舉行咗《陳慧嫻Priscilla-ism演唱會》重慶站，4月21號喺佛山市嶺南明珠體育館舉行咗《陳慧嫻Priscilla-ism演唱會》佛山站，6月30號喺南京青奧體育公園體育館舉行咗《陳慧嫻Priscilla-ism演唱會》南京站，8月18號喺成都四川省體育館舉行咗《陳慧嫻Priscilla-ism演唱會》成都站， 10月20號喺湛江體育中心體育場舉行咗《陳慧嫻Priscilla-ism演唱會》湛江站，10月27日喺華潤深圳灣體育中心＂春繭＂體育館舉行咗《陳慧嫻Priscilla-ism演唱會》深圳站-Encore，11月10號喺新亞洲體育城星耀體育館舉行《陳慧嫻Priscilla-ism演唱會》昆明站，11月22號喺舉行《陳慧嫻Priscilla-ism演唱會》大西洋城站，11月24號喺舉行《陳慧嫻Priscilla-ism演唱會》拉斯維加斯站，12月8號喺湖南國際會展中心舉行《陳慧嫻Priscilla-ism演唱會》長沙站，12月15號喺澳門銀河酒店舉行《陳慧嫻千千闋歌音樂會》，12月22號喺無錫市體育中心體育館舉行《陳慧嫻Priscilla-ism演唱會》無鍚站。
2019年1月5號喺杭州黃龍體育中心舉行《陳慧嫻Priscilla-ism演唱會》杭州站，4月27日喺廣州海心沙亞運公園舉行《陳慧嫻Priscilla-ism演唱會》廣州站，9月7日喺澳門新濠影滙綜藝館舉行《陳慧嫻新濠至尊演唱會》，11月23日喺海口市五源河體育中心體育場舉行《陳慧嫻Priscilla-ism演唱會》海口站。12月21日喺宜昌奧體中心體育館舉行《陳慧嫻Priscilla-ism演唱會》宜昌站，2020年1月4日喺華潤深圳灣體育中心＂春繭＂體育館舉行《陳慧嫻Priscilla-ism演唱會》深圳站。2022年5月同環球完約。[1]
2022年7月28號，陳慧嫻57歲生日，宣布正式加盟英皇娛樂，英皇經理人霍汶希同埋英皇藝人例如任達華、惠英紅、李克勤、容祖兒、古巨基、謝霆鋒、Twins等拍片祝賀同歡迎。[2]
唱片
編輯- 1984年《故事的感覺》
- 1985年《花店》
- 1986年《反叛》
- 1987年《變變變》
- 1988年《嫻情》
- 1988年《傻女的愛》（國）
- 1988年《秋色》
- 1989年《永遠是你的朋友》
- 1989年《陳慧嫻幾時再見演唱會》
- 1990年《永遠是你的陳慧嫻》
- 1992年《歸來吧》
- 1993年《你身邊永是我》
- 1994年《今天的愛人是誰》（新曲＋精選）
- 1995年《Welcome back》
- 1995年《我不寂寞》
- 1996年《心滿意足》
- 1996年《雪映美白96陳慧嫻演唱會》
- 1996年《問題女人》
- 1997年《心就要飛了》（國）
- 1997年《慧嫻•港樂奇妙旅程》
- 1998年《愛戀2000小時》
- 1999年《正是愛》
- 2000年《為你好》
- 2003年《情意結》
- 2003年《陳慧嫻珍演唱會》
- 2008年《活出生命II演唱會》
- 2014年《By Heart》
- 2014年《Back To Priscilla 30th anniversary concert 2014 Live》
- 2015年《Evolve》
- 2016年《Priscilla-ism Live 2016》
歌
編輯參考
編輯- ↑ 〈環球發聲明確認Gin Lee即將約滿離巢 稱與AGA已有進一步合作協議〉。《香港01》。2022-05-16。喺2022-07-05搵到。
- ↑ 〈【千千闋歌】陳慧嫻正式加盟英皇 避談轉會費盼同容祖兒合作〉。《香港經濟日報》。2022-07-28。喺2022-07-28搵到。