謝霆鋒

香港男歌手、演員

謝霆鋒ze6 ting4 fung1英文Nicholas Tse Ting Fung),1980年8月29號—),係香港唱作人電影演員

謝霆鋒
男藝人
原名謝霆鋒
羅馬拼音Tse Ting Fung
英文名Nicholas Tse
花名謝檸檬、霆鋒
國籍加拿大 加拿大[1](1988年 - 2021年[2][3]
 中國香港[1][4]
永久居留權 香港
民族漢族
籍貫廣東番禺
出世 (1980-08-29) 1980年8月29號(43歲)
 英屬香港九龍馬頭圍聖德肋撒醫院
職業演員唱作人生意人
語言粵語英文普通話日文
教育程度中五畢業
母校聖佐治書院(中退)
香港國際學校(中退)
宗教信仰佛教
配偶張栢芝(2006年結婚;2011年離婚)
仔女大仔:謝振軒(Lucas)
(2007-08-02) 2007年8月2號(16歲)
二仔:謝振南(Quintus)
(2010-05-12) 2010年5月12號(13歲)
父母謝賢狄波拉
屋企人謝婷婷(細妹)
音樂類粵語流行音樂、華語流行音樂
演奏樂器結他、手碟、架子鼓、鋼琴
出道地 英屬香港
出道日期1996年
出道作品My Attitude
代表作品歌曲
《壞習慣》
《活着Viva》
《玉蝴蝶》
《無聲仿有聲》
《謝謝你的愛1999》
電影
十月圍城
《綫人》
《怒火》
活躍年代1996年—2002年
2003年—
唱片公司英皇娛樂
經紀公司英皇娛樂
網站謝霆鋒嘅官方網站
網路電影資料庫(IMDb)資訊
香港電影金像獎
最佳新演員
1999年新古惑仔之少年激斗篇》 – 陳浩南

最佳男配角
2010年十月圍城》 – 鄧四弟

最佳男主角
2011年綫人》 – 何細魁
亞洲電影大獎
最佳男配角
2010年十月圍城》 – 鄧四弟
大眾電影百花獎中文百花奖
最佳男配角
2006年新警察故事》 – 鄭小鋒
十大中文金曲頒獎典禮
最有前途新人獎金獎
1997年
其他獎
叱咤樂壇男歌手銅獎叱咤樂壇流行榜
1999年、2000年、2001年

香港出世,細個跟隨屋企人移民加拿大,曾經響日本留學。1996年,謝霆鋒正式出道,憑住《壞習慣》成為四台冠軍歌,係年紀最細嘅香港四大電子傳媒冠軍歌得主。1999年,佢憑《新古惑仔之少年激鬥篇》獲得金像獎最佳新演員。2002年,佢憑住《玉蝴蝶》獲得世界音樂獎亞洲最高銷量歌手獎。不過響2002年3月發生嘅頂包案令佢形象插水,被迫退出娛樂圈。2003年復出後,將事業重心轉去中國,同年成立公司Po朝霆。2004年開始主力發展電影事業,2010年憑住《十月圍城》獲金像獎最佳男配角,一年後以《綫人》獲金像獎最佳男主角。目前主要做飲食節目。

個人背景 編輯

謝霆鋒籍貫廣東番禺,1980年8月29號響九龍馬頭圍聖德肋撒醫院出世。佢有一個細妹謝婷婷,亦係一位演員。由於老豆謝賢同阿媽狄波拉係非常出名嘅演員,作為星二代嘅謝霆鋒自細就活響閃光燈之下,身邊亦有好多出名嘅演員前輩。有次細個嘅謝霆鋒畀梅艷芳抱佢去廁所,大個仔後遇到梅艷芳都會唔好意思。不過佢唔中意呢種生活,試過由三樓跳落嚟試圖輕生。後嚟老豆阿媽因為想避開媒體,加上響香港熟人太多驚謝霆鋒畀人縱壞,所以舉家移民加拿大[5],謝霆鋒隨後入讀加拿大寄宿學校[6]聖佐治書院(Saint George's School)[7]。無耐又返香港入讀香港國際學校,但響一年後由於成績太差而退學。後嚟謝霆鋒響美國亞利桑那州鳳凰城讀書一年,但因為成績太差而退學[7]。一直有指謝霆鋒並唔係謝賢親生,傳原因係謝賢不育同生意失敗,要求狄波拉搵「賭王」何鴻燊「借種」,而謝霆鋒響驗DNA後,證明自己係謝賢親生仔[8]。謝霆鋒早年主要響香港發展音樂事業,頂包案發生後就轉為響中國發展電影同主持事業[9]

音樂事業 編輯

成為歌手 編輯

謝霆鋒響12歲嗰陣拍咗寫真集《男城市驚喜》。14歲拜師戴思聰,跟戴思聰學唱歌[10][11]。15歲到日本東京學習音樂[6]。雖然佢本身並唔想加入娛樂圈,但係16歲嗰年老豆謝賢生意失敗,佢為咗幫老豆還債,於是簽約英皇娛樂出道,花十年時間還債[12]。亦有指係英皇老細楊受成認為謝霆鋒有潛質做歌手,同謝賢傾過,謝賢同意,所以英皇同謝霆鋒簽約[7]

成名初期 編輯

1996年,謝霆鋒簽約英皇娛樂正式出道,出道作《My Attitude》嘅主打歌《壞習慣》成為四台冠軍歌,更加攞到十大中文金曲最有前途新人獎金獎,係年紀最細嘅香港四大電子傳媒冠軍歌得主。1997年,佢推出EP《無聲仿有聲》,係佢同伍樂城第一次合作,亦係伍第一次監製嘅作品[13]。謝霆鋒以叛逆嘅姿態好快就獲得中港台後生仔嘅支持,但同時謝霆鋒亦因為星二代嘅光環令啲人認為佢不學無術[14]

響謝霆鋒第一次現場表演個陣,因為樂隊出現意外,中途有兩次要停止表演,謝霆鋒因而直接罷唱,畀人認為佢扮大牌[14]。所以至此之後個三、四年,只要現場表演有謝霆鋒,台下觀眾就會向佢掟螢光棒同水樽,佢一開口就噓聲不斷,以至於謝霆鋒響台上要不斷搖嚟搖去以躲避螢光棒同水樽[15]

1998年,佢推出個人第二張大碟《Horizons》,為自己主演嘅第一套電影《新古惑仔之少年激鬥篇》、第一套主演嘅電視劇《撻出愛火花》唱主題曲同插曲[16]。由呢個時候開始,公司開始畀謝霆鋒自己製作專輯,更多地參考謝霆鋒本人嘅意見[17]。當時公司英皇娛樂希望謝霆鋒轉型,將謝霆鋒包裝成唱跳歌手出道,好似四大天王咁嘅樣。謝霆鋒因為中意搖滾而唔肯做唱跳,結果同公司談判破裂,佢亦因而響1998年尾短暫返到加拿大。後嚟謝霆鋒要求英皇畀佢響唔唱跳之下出歌,公司最終同意,但條件係一旦新專輯成績唔理想就冇得留底[18]

巔峰時代 編輯

1998年12月,謝霆鋒推出EP《末世紀的呼聲》,登上香港多個流行榜前列位置,開啟謝霆鋒霸榜嘅時代[19]。而1999年係就謝霆鋒人氣突破嘅一年。1999年4月,佢推出大碟《Believe》,攞到四台聯頒音樂大獎大碟獎,其中收錄嘅《非走不可》成為家傳戶曉嘅歌曲[17]。9月,佢推出第一張國語大碟《謝謝你的愛1999》,同劉德華響1992年推出嘅大碟《謝謝你的愛》相呼應,就係為咗致敬劉德華[20]。呢套唱片銷量突破一百萬,仲紅到去台灣,獲得臺灣唱片銷量榜冠軍[14]。啲人對謝霆鋒嘅印象亦有所改變,唔再認為佢係個「靠父幹」嘅星二代[14]

謝霆鋒好中意搖滾,不過英皇一直畀K歌佢唱,直至2000年5月推出嘅大碟《零距離》先至收錄佢自己創作嘅搖滾歌曲。7月,佢推出嘅國語大碟《了解》成功令佢打入中國大陸市場。11月推出嘅大碟《VIVA》,邀請到偶像Beyond成員黃貫中合作。

2001年5月,佢推出大碟《玉蝴蝶》,請嚟Dir en grey鼓手Shinya、LunaSea成員Sugizo合作[21]。呢隻大碟成為佢嘅經典之作,令佢第三次攞到叱咤樂壇男歌手銅獎。2002年,佢憑住《玉蝴蝶》獲得世界音樂獎亞洲最高銷量歌手獎,亦係有史以嚟最後生嘅華人得獎者。2001年10月,佢推出第三張國語大碟《世紀預言》,其中收錄嘅歌曲《香水》攞到多個獎項,有勁歌金曲第四季季選網上金曲、新城勁爆國語歌曲等。2002年1月,佢推出廣東大碟《Me》,加入更多英式搖滾嘅元素[17]

呢個時期嘅謝霆鋒亦有為其他歌手創作歌曲,包括陳慧琳嘅《假天真》、王菲嘅《迷魂記》、張栢芝嘅《吻着道歉》等,亦係紅遍香港嘅歌,呢段時期可以話係謝霆鋒響音樂方面嘅高產量時代[17]

暫退 編輯

內文:謝霆鋒頂包案

2002年3月23號凌晨,一架法拉利跑車響港島紅棉路撞到路邊花壇,成架車幾乎變形。英皇娛樂公司司機成國定響無耐到警署自首[22]。但經廉政公署調查後,查出當晚揸跑車嘅人係謝霆鋒[23]。當時謝霆鋒因為要到外國做節目[9],於是就交畀經理人處理,而經理人就搵咗成國定做替死鬼[24]。謝霆鋒涉嫌妨礙司法公正而畀人拉咗[25]。10月2號,西區裁判法院認為謝霆鋒響事發後未有執好手尾就走人,裁定謝霆鋒罪名成立,謝霆鋒要還押到壁屋監獄14日後再作決[26]。最終謝霆鋒被判240個鐘社會服務令[26]。謝霆鋒上訴,但畀終審法院響2003年11月28號駁回[27]

另外,謝霆鋒響2002年5月27號響青葵公路西九龍公路超速駕駛,罰款七千蚊兼且抄牌[28]。同年6月30號,本身要到馬來西亞拍廣告嘅佢響北大嶼山公路發生交通意外,個頭同條頸受傷,要到深切治療部留醫[28][29]

由於身為頂包案當事人嘅謝霆鋒判得最輕,所以判決引起市民嘩然[26]。連績多個負面事件亦令謝霆鋒畀香港學生選做2002年「最負面人物」同「風雲人物之首」[9]。謝霆鋒形象插水,最終響7月宣佈退出娛樂圈[9][30]

平穩發展 編輯

 
2005年,謝霆鋒到高雄漢神百貨出席大碟《釋放》發佈會

2003年3月12號,神隱八個月左右嘅謝霆鋒響香港君悅酒店搞記者會,宣佈復出。佢話自己唔會再好似以前咁反叛,變得平和、成熟咗[31]。受頂包案影響,謝霆鋒慢慢開始將事業重心轉往中國。同時,佢亦成立公司Post Production Office(Po朝霆),主要負責後製部份[32]

6月,佢推出大碟《Reborn》,呢個大碟嘅主題係形容緊自己係「重生」[17],MV後製由自己公司Po朝霆製作[33],其中台灣版第一主打歌《邊走邊愛》橫掃多個獎項,有《2003年度十大勁歌金曲頒獎典禮》最受歡迎唱作歌星(金獎)、《新城勁爆頒獎禮2003》新城勁爆創作大碟等。謝霆鋒自己後嚟亦坦言《Reborn》係佢最滿意嘅作品[33]

2004年,佢推出國語大碟《Listen Up》,成為《金曲金榜》金曲年度最佳國語大碟 。2005年推出粵語大碟《One Inch Closer》,主打歌《塞車》成為第5屆全球華語歌曲排行榜年度歌曲;而《One Inch Closer》亦係佢最後一張粵語大碟。因為謝霆鋒受到「鋒戀」、「鋒戀」、「頂包案」等一系列負面事件影響,加上又要拍唔少電影,令到謝霆鋒冇辦法專心創作音樂,自此之後佢嘅音樂作品嘅質素開始直線下降[17]

2005年11月,佢推出第5張國語大碟《釋放》,請嚟伍佰游鴻明蔡健雅五月天F.I.R陳偉等出名台灣藝人合作[17]

2009年5月28號,謝霆鋒發行國語大碟《最後》,本身打算響2月發行,但因為工作關係,加上謝霆鋒對音樂嘅要求,所以推遲三個月發行。大碟嘅介紹係「當初放蕩不羈嘅大男孩變成依家嘅一位好丈夫、好爸爸」,其中主打歌《終點站》係佢送畀老婆張柏芝嘅歌曲。因為大碟嘅標題,唔少人以為佢要離開歌壇,「蜂蜜」甚至大喊「霆鋒唔好離開」[17][34]

自《釋放》之後,謝霆鋒出嘅大碟就冇再由佢本人創作嘅歌曲,直至2015年發行嘅《鋒味》[17]。《鋒味》係謝霆鋒相隔6年後再度推出嘅大碟,花咗兩年時間製作[35],大碟主要收錄同主持節目《十二道鋒味》相關歌曲,有部份亦係自己為佢所主演嘅電影唱嘅主題曲。唔少人認為謝霆鋒推出呢張大碟只係為咗增加《十二道鋒味》嘅名氣同曝光率[36]

幕後製作 編輯

演唱會 編輯

1999年12月,謝霆鋒響紅館搞咗佢個人第一場演唱會《紅人館903狂熱份子演唱會》,成為香港史上響紅館開演唱會最後生嘅歌手。

演藝事業 編輯

早期經歷 編輯

1999年,佢憑《新古惑仔之少年激鬥篇》嘅陳浩南一角獲得金像獎最佳新演員。2000年佢憑住電影《半支煙》入圍第36屆台灣金馬獎最佳男主角。

2006年佢憑住《新警察故事》嘅鄭小鋒一角攞到第二十八屆百花獎最佳男配角。自此之後,謝霆鋒開始將重心放響電影事業,作品有《男兒本色》、《証人》、《龍虎門》等。

事業分水嶺 編輯

中國大陸發展 編輯

個人業務 編輯

影響 編輯

流行文化 編輯

謝霆鋒出道初期以不羈同叛逆嘅姿態獲得後生一代嘅支持,因為打扮同言行舉止MK味十足,所以畀人封為「MK男神」[14],謝霆鋒嘅經典造型「緊身背心配喇叭褲、染金毛、雞冠頭」成為MK文化嘅代表之一[37]。響個陣時,後生仔就連衣著[38]、項鍊等等都要模彷謝霆鋒[39],就好似謝霆鋒「中間分界」嘅經典髮型[40],成為當時中學生最流行嘅髮型之一,唔少人學係因為想好似謝霆鋒咁反叛,挑戰老師底線[41]。而00年代初係「唱K」高峰潮,啲人去唱K多數會點謝霆鋒啲歌[41]。謝霆鋒嘅號召力非常強大,就好似1999年開始謝霆鋒成為可口可樂代言人,令大批人去買可口可樂,可口可樂因而銷量大增[42];又例如2003年成為森馬代言人,令森馬開始流行同走紅[43]

大眾認同 編輯

1999年開始至2002年間謝霆鋒陸續推出嘅作品無論係銷量定口碑都好好,令佢人氣急升,有研究指出呢個年代謝霆鋒嘅粉絲以16歲以下嘅少年少女為主[44],呢個年代啲人買碟同聽歌都係聽謝霆鋒嘅[37],有傳媒話佢「結束咗壟斷華語樂壇差唔多十年嘅四大天王時代」[14],前香港特首董建華響2003年亦大讚謝霆鋒係「年輕人嘅榜樣」。HK01表示,謝霆鋒早期嘅音樂作品係一代人嘅集體回憶[45]。謝霆鋒嘅粉絲名叫「蜂蜜」[46],「蜂蜜」主要嚟自中、港、台、馬拉、韓國[47],唔少粉絲中意謝霆鋒中意到瘋狂嘅地步,視謝霆鋒為夢中情人[48],包括守響電視機前就係為咗睇謝霆鋒廣告[33]、揀男朋友要似謝霆鋒[48]等。

2003年謝霆鋒響頂包案一事形象插水後,而佢本人亦將事業重心放響演藝生涯,先後拍電影同埋主持節目,唔少人開始懷念謝霆鋒嘅舊歌,更有人希望謝霆鋒開演唱會[38],有「蜂蜜」話就算再多歌迷流失亦會繼續追隨謝霆鋒,要為謝霆鋒出一分力[49]。而謝霆鋒嘅演技多年嚟都備受爭議[50],有人認為佢詮釋感情得好好,幾有渲染力,會令人好感動[51];亦有人認為謝霆鋒拍戲個陣全程得一個表情,令人好易出戲,感覺好僵硬[52]。直至2021年佢主演嘅電影《怒火》上映後,好多人對佢改觀,認為謝霆鋒演技有所進步[50],更有影評認為謝霆鋒要多拍啲電影,唔拍就係華語電影圈嘅一大損失[53]

個人生活 編輯

戀情同婚姻 編輯

1999年,謝霆鋒響經梅艷芳介紹下認識王菲[54]。2000年梁朝偉因為獲得康城影帝而舉行慶功宴,佢響會上同王菲拖手,正式公宣戀情。2000年,當時有傳聞指佢同張柏芝因為合作拍電影《老夫子2001》而撻著,但謝霆鋒否認,話張只係佢「契妹」[55]。2002年發生頂包案,由於謝霆鋒響發生意外後係由疑似張栢芝嘅人接走、加上佢係響張柏芝屋企畀人拉,因而畀外界話係張柏芝介入謝霆鋒同王菲之間嘅戀情[56]。而謝霆鋒同王菲響2003年分手[57][58]

謝霆鋒響2006年拍電視劇《詠春》期間宣佈同張栢芝正式交往,佢哋同年9月響菲律賓帕馬利坎島結婚,婚後生咗兩個仔謝振軒、謝振南[59]。2008年張柏芝捲入陳冠希鹹相案,當時謝霆鋒力撐張栢芝[59]。事隔兩年後,張栢芝響飛機上同陳冠希有講有笑兼且一齊影相,婚變嘅傳聞由此開始[60]。6月,張栢芝響接受東方新聞專訪嗰陣公開力數謝霆鋒嘅不是,叫佢「唔好扮好男人、好老公、好老豆」[60]。8月佢哋發聲明宣佈因性格不合而離婚,謝霆鋒單方面發聲明指唔會爭奪兩個仔嘅撫養權[61],所以最終兩個仔交由張柏芝撫養,而謝霆鋒需要畀撫養費[62]。網上一直盛傳離婚後謝霆鋒同兩個仔關係惡劣,不過經理人否認[63]。2014年後,一直有好多傳媒話王菲同謝霆鋒復合,但兩位當事人未承認[64]

軼事 編輯

音樂作品 編輯

內文:謝霆鋒音樂作品一覽

演出作品 編輯

內文:謝霆鋒影視作品一覽

代言 編輯

  • 97 Puma街霸足球挑戰盃
  • 大快活
  • 康泰旅遊特輯(廣告歌)《大世界》
  • 康泰旅遊特輯 - 泰國、日本、韓國、海南島
  • 四洲百佳咖啡
  • 可口可樂
  • Bossini Y2K時裝
  • Panasonic TAU
  • 台灣和信電訊
  • 日清合味道杯麵
  • Rado手表
  • FM365聯想集團網站
  • 台灣小林眼鏡
  • MIN男裝便服袋系列
  • AVLIGHT愛浪音響
  • 天梭手表T-Touch
  • 32°C護膚品
  • SonyVaio C1MT
  • 星Mobile新世界流動多媒體服務
  • 松日MP3及I-MAT掌上電腦
  • 森馬休閑服
  • 柏麗絲洗頭水及啫喱水
  • 蘋果牌服飾
  • 特步運動鞋及運動服
  • 新世界傳動網星Mobile
  • Biolyn洗髮用品
  • OKWAP手機
  • 米蘭春天男裝
  • BS'O小魔怪牛仔
  • 百事可樂「極」
  • ZeroXCLUB皇家樂園眼鏡
  • 太子奶
  • 潮流前綫服飾
  • ProxZ眼鏡
  • 神兵傳奇
  • 丁家宜植物純萃
  • ORIS手表
  • 鳳凰電動車
  • 特步
  • JEEP自由光
  • 京東
  • 歐利維蘭橄欖油
  • 潮流前線服飾
  • 維港峰地產
  • 東鵬特飲飲料
  • CF穿越火線
  • Daphne
  • BS'O小魔怪牛仔
  • 豪利時ORIS手錶
  • 韓束
  • 麥當勞鋒味系列
  • 麥富迪🐈
  • 富途牛牛

其他 編輯

  • 2003年:受邀清華大學講座同高校生同台交流
  • 2012年:受邀香港科技大學開個人講座

獎項 編輯

內文:謝霆鋒攞獎同提名一覽

參考 編輯

  1. 1.0 1.1 . . 2018-12-06. 原先內容歸檔喺2021-02-22. 喺2022-03-05搵到.
  2. 廖福生 (2021-08-28). 41歲謝霆鋒愛過張柏芝轟轟烈烈 復合大11歲王菲7年不癢. (臺灣中文). 原著喺2021-08-29歸檔. 喺2021-09-05搵到. 謝霆鋒在8歲時隨家人移民加拿大
  3. 張國基 (2021-09-05). 退. 港01 (香港中文). 原著喺2021-09-05歸檔. 喺2021-09-05搵到.
  4. 退. . 2021-09-05. 原先內容歸檔喺2021-11-07. 喺2021-11-07搵到.
  5. am730. 籍令|網民瘋找移民原因 謝賢︰怕他們被寵壞. am730 (中文). 喺2022-08-17搵到.
  6. 6.0 6.1 "やんちゃな悪ガキ"ニコラス・ツェーも不惑に。ドニー・イェンと久々の共演作は王道香港映画の壮絶アクション!画スターに恋して:第20回 - Stereo Sound ONLINE. online.stereosound.co.jp (日文). 喺2022-08-17搵到.
  7. 7.0 7.1 7.2 "Nicholas TSE « Kung Fu Cinema". archive.ph. 2012-12-08. 喺2022-08-28搵到.
  8. 阮繼志 (2022-05-24). . on.cc東網. 喺2022-08-28搵到.{{cite web}}: CS1 maint: url-status (link)
  9. 9.0 9.1 9.2 9.3 霆鋒主力在中國發展!曾因包案形象大損~但未入劣跡藝人榜!. www.tagsis.com (英文). 喺2022-08-17搵到.{{cite web}}: CS1 maint: url-status (link)
  10. 溫菁莉 (2017-07-16). 行經典50年遺忘的歌手戴辛尉 承繼爸爸衣缽轉行教聲樂. 港01. 喺2022-08-28搵到.{{cite web}}: CS1 maint: url-status (link)
  11. 中時新聞網. 霆鋒稱非浪子 僅認3段情 - 娛樂新聞. (中文). 喺2022-08-28搵到.
  12. 沈洛嘉 (2021-07-25). 出個黃昏賢謝霆鋒曾見面就鬧交 奪影帝時公開向爸爸道歉. 港01 (香港中文). 喺2022-08-17搵到.
  13. 樂城鍾意與Twins合作. www.macaodaily.com. 原著喺2022-09-09歸檔. 喺2022-09-09搵到.
  14. 14.0 14.1 14.2 14.3 14.4 14.5 東方手藝人 (2021-08-23). 文看清謝霆鋒出道25年轉變 由MK始祖掟結他變Chef Nic. 港01 (香港中文). 喺2022-08-17搵到.
  15. 冼燕珊 (2018-05-11). 霆鋒爆出道被噓至今上台仲驚緊 打拍子其實避緊水樽. 港01 (香港中文). 喺2022-08-17搵到.
  16. 何言. . p. 199.
  17. 17.0 17.1 17.2 17.3 17.4 17.5 17.6 17.7 17.8 家策划:谁"杀死"了谢霆锋?_影音娱乐_新浪网. ent.sina.com.cn. 喺2022-08-22搵到.
  18. 邱愛霖 (2020-08-28). . 港01 (香港中文). 喺2022-08-17搵到.
  19. . p. 88.
  20. 中時新聞網. 被劉德華抱過親吻 男嬰長大竟成國際巨星 - 娛樂. (中文). 喺2022-09-12搵到.
  21. . www.peopledaily.com.cn. 原著喺2004-04-05歸檔. 喺2022-08-17搵到.
  22. 徐天成. 們香港這些年: since 1977.
  23. 徐天成. 們香港這些年: since 1977.
  24. 徐天成. 們香港這些年: since 1977.
  25. 車頂包案涉串謀妨礙司法公正 廉署今起訴謝霆鋒. the-sun.on.cc. 喺2022-08-17搵到.{{cite web}}: CS1 maint: url-status (link)
  26. 26.0 26.1 26.2 霆鋒--撞車成卻輕判 | 蘋果日報 | 要聞港聞 | 20021231. web.archive.org. 2019-10-22. 歸檔時間2019-10-22. 喺2022-08-17搵到.{{cite web}}: CS1 maint: bot: original URL status unknown (link)
  27. Old News is So霆鋒02年頂包案上訴駁回. . 2017-11-28.{{cite news}}: CS1 maint: url-status (link)
  28. 28.0 28.1 霆鋒頂包案轟動一時 - 東方日報. orientaldaily.on.cc. 喺2022-08-18搵到.
  29. 霆鋒自稱腦積水 - 香港文匯報. paper.wenweipo.com. 原著喺2022-08-18歸檔. 喺2022-08-18搵到.
  30. 包案今開審 廉署貼身保護證人 霆鋒上庭𡟻芝作證. the-sun.on.cc. 喺2022-08-18搵到.{{cite web}}: CS1 maint: url-status (link)
  31. "Introducing ... the Brand New Nicholas Tse". South China Morning Post (英文). Invalid Date. 喺2022-08-18搵到. {{cite web}}: Check date values in: |date= (help)
  32. 方新聞 - 明星當老板(2):強打香港本土后制 謝霆鋒以誠營商. web.archive.org. 2014-08-09. 歸檔時間2014-08-09. 喺2022-08-22搵到.{{cite web}}: CS1 maint: bot: original URL status unknown (link)
  33. 33.0 33.1 33.2 羅偉文 (2018-11-20). 蝴蝶、一擊即中 謝霆鋒13首隱世神曲. 港01. 喺2022-08-22搵到.{{cite web}}: CS1 maint: url-status (link)
  34. 辑:谢霆锋-_影音娱乐_新浪网. ent.sina.com.cn. 喺2022-08-27搵到.
  35. 星外星音乐 (2022-02-22). 面男神经典之作,谢霆锋&日预售!. k.sina.cn. 喺2022-08-27搵到.
  36. 霆锋把二道锋味的歌放在一起,出了张所谓的"专辑"_娱乐_好奇心日报. www.qdaily.com. 原著喺2022-08-27歸檔. 喺2022-08-27搵到.
  37. 37.0 37.1 風舞冬菇向謝霆鋒致敬 新MV大量彩蛋 重現熨斗辣雞冠頭超經典! | 最新娛聞. . 2022-08-27. 喺2022-08-27搵到.{{cite web}}: CS1 maint: url-status (link)
  38. 38.0 38.1 . SundayMore. 2017-09-29. 喺2022-08-27搵到.{{cite web}}: CS1 maint: url-status (link)
  39. TVBS. 霆鋒 成最具時尚衣著打扮明星│TVBS新聞網. TVBS (臺灣中文). 喺2022-08-29搵到.
  40. 董欣琪 (2020-11-04). 霆鋒重塑廿年前經典髮型 髮量大減感嘆歲月不饒人. 港01. 喺2022-08-29搵到.{{cite web}}: CS1 maint: url-status (link)
  41. 41.0 41.1 Park Chan, Esquire HK. . www.esquirehk.com. 喺2022-08-29搵到.{{cite web}}: CS1 maint: url-status (link)
  42. 楊軍. .
  43. 胡方松, 林坚强. . p. 210.
  44. 岳曉東,張宙橋,黃成榮. (PDF). . 原著 (PDF)喺2022年6月18號歸檔. 喺2022年8月29號搵到.
  45. 郭敏玲 (2018-01-02). 噏亂評個個讚? 賣集體回憶穩陣實冇死. 港01. 喺2022-08-29搵到.{{cite web}}: CS1 maint: url-status (link)
  46. 皇娛樂 EEG. facebook.com. 喺2022-08-18搵到.{{cite web}}: CS1 maint: url-status (link)
  47. 鄧樂宜 (2017-08-12). Seventeen珉奎自認謝霆鋒鄭容和粉絲 盼戰食神國上映. 港01. 喺2022-08-29搵到.{{cite web}}: CS1 maint: url-status (link)
  48. 48.0 48.1 頭條日報. Naomi為謝霆鋒慶祝入行25年 緊記偶像叮囑唔好玩玩吓. 條日報 Headline Daily. 喺2022-08-27搵到.{{cite web}}: CS1 maint: url-status (link)
  49. 岳曉東. 星與粉絲: 青少年偶像崇拜探析. p. 83.
  50. 50.0 50.1 . 3g.k.sohu.com. 原著喺2022-08-27歸檔. 喺2022-08-27搵到.
  51. 艾蜜莉. .
  52. 2007年2021年的谢霆锋演技是进步还是退步? - 太阳信息网. sunnews.site. 原著喺2022-08-27歸檔. 喺2022-08-27搵到.
  53. 雀雀 (2021-10-21). . . 喺2022-08-27搵到.{{cite web}}: CS1 maint: url-status (link)
  54. 中時新聞網. 樂A咖菲情纏謝霆鋒20年菲CP愛不在乎一紙證書 - 娛樂. (中文). 喺2022-10-26搵到.
  55. 女生日常, GirlStyle. 菲愛女李嫣機場巧遇張栢芝!主動打招呼用3個字解尷尬獲讚. GirlStyle 女生日常 (中文). 喺2022-10-26搵到.
  56. 徐天成. 們香港這些年: since 1977.
  57. 菲謝霆鋒分手復合最經典 - 20220309 - SHOWBIZ. 報OL網 (繁體中文). 喺2022-08-28搵到.
  58. S再婚|演藝圈神復合還有他們 王菲、謝霆鋒最經典|蘋果新聞網|蘋果日報. AppleDaily (中文). 2022-03-08. 喺2022-08-28搵到.
  59. 59.0 59.1 胡凱欣 (2022-10-12). 栢芝節目中再提及前夫 與謝霆鋒相戀到離婚只是5年內的事. 港01. 喺2022-10-27搵到.{{cite web}}: CS1 maint: url-status (link)
  60. 60.0 60.1 芝發火狂轟霆鋒:咪再扮好男人 - 東方日報. orientaldaily.on.cc. 喺2022-10-27搵到.
  61. 柏芝尋死 霆鋒讓出撫養權|蘋果新聞網|蘋果日報. AppleDaily (中文). 2011-07-17. 喺2022-08-28搵到.
  62. 錢不分前後任后了結15年婚姻 贍養費10億再加3億豪宅. tw.news.yahoo.com (中文). 喺2022-08-28搵到.
  63. 理人回應傳聞 鋒與孩子關係良好. (美國英文). 2019-10-22. 喺2019-11-08搵到.
  64. 菲谢霆锋姐弟恋回顾:分手11年 如今破镜重圆. ent.people. 喺2022-08-28搵到. {{cite web}}: no-break space character in |title= at position 17 (help)CS1 maint: url-status (link)

出面網頁 編輯