陳嵐

(由陳明英跳轉過嚟)

陳嵐英文Tiffany Chen1959年1月15號—),本名陳明英,喺台灣出世,籍貫黑龍江哈爾濱香港電影業製片人、經理人,中國星集團董事會副主席,向華強老婆。新聞報導往往稱呼佢做「向太」。

政治立場同爭議

雖然喺台灣出世,但係陳嵐喺政治上高度親中,多次喺微博歌頌大陸之餘更出面支持香港警察,而且有反美嘅傾向[1]。佢亦曾經喺2014 年高調出席反佔中活動,又上台發言話佔領學生惡過黑社會[2]

回應美國商務部對華為制裁

2019年,美國商務部對華為實施購買美製零件同技術嘅禁令 ,而喺5月,有報道指 Google 因應禁令,將暫停同華為嘅業務往來,華為喺中國境外發行嘅手機,唔可以再更新 Android 系統,同埋 Google 相關服務。陳嵐喺微博回應,呼籲網民棄用蘋果,改用華為,更加話「我們有 11 億的網民如果全部都用華為怕你美國個屁」,又話要堅決唔買當時就嚟推出嘅iPhone 8,不過有眼利嘅網民就發現,呢篇微博係以 iPhone 發表[2]

回應反送中運動同埋美國《香港人權與民主法案》

2019年11月,香港陷入反送中運動嘅爭議,因應香港局勢惡化,美國參議院通過《香港人權與民主法案》,陳嵐公然批評美國干預中國內政,又話呢世都唔再踏足美國,形容支持反送中運動嘅人係暴徒,反而令全世界嘅中國人更加愛國愛黨[3]

娛樂新聞

2013年,佢曾經喺一個拍賣會買咗一粒 8611 萬港元嘅巨型 75 卡鑽石,仲命名佢做中國之星[4]

參考

  1. "向華強與兒子申請台灣依親居留 向太承認:方便出入,不是移民 | 蘋果日報". Apple Daily 蘋果日報 (中文). 原著喺2020-12-24歸檔. 喺2020-12-25搵到.
  2. 2.0 2.1 "用iPhone發微博 籲中國網民棄用蘋果撐華為 向太:「一起來愛國,愛黨」 | 立場報道 | 立場新聞". 立場新聞 Stand News (英文). 喺2021-05-21搵到.
  3. "【嬲到發誓】向太不滿美國通過《人權法案》:這輩子都不再踏足美國! | 蘋果日報". Apple Daily 蘋果日報 (中文). 喺2020-12-25搵到.
  4. "向太買8400萬巨鑽". Unknown parameter |dead-url= ignored (help)

連出去