開主選單
廈門大學裡面嘅陳景潤銅像

陳景潤1933年5月22號1996年3月19號)係中國數學家,由於對證明哥德巴赫猜想作出巨大貢獻而出名。

生平

陳景潤喺廈門大學數學系畢業。

1953年到1954年,陳景潤喺北京四中任教,由於口齒不清而無得上講台講課,祇可以批改作業。後來,佢被人以「停職回鄉養病」為名,調咗去廈門大學做資料員,同時研究數論。

1956年,陳景潤入咗中國科學院數學研究所。

1966年,陳景潤發表咗論文《表達偶數為一個質數及一個不超過兩個質數的乘積之和》(簡稱「1+2」),後來重因為伊項研究,同王元、潘承洞喺1982年共同獲頒中國自然科學獎一等獎。

1978年,陳景潤開始從事培養碩士同博士研究生嘅工作,先後喺貴州民族學院、河南大學、廈門大學、青島大學、華中工學院、福建師範大學等院校做兼職教授,同時擔任《數學季刊》嘅主編同國家科委數學小組成員。1980年,陳景潤當選中科院物理學數學部委員。

陳景潤體質好差,1973年患過嚴重嘅腹膜結核,1984年又患咗帕金遜症候群。1996年3月19日13點10分,陳景潤因為肺炎併發症過咗身,享年62歲。

學術貢獻

陳景潤主要研究解析數論。佢篇論文《表達偶數為一個質數及一個不超過兩個質數的乘積之和》,成功證明到離哥德巴赫猜想「任何一個大於2嘅偶數,都可以表示成兩個質數嘅和。」一步之遙咁近,成為數學史上嘅里程碑。

陳景潤留低嘅著作有《初等數論》、《哥德巴赫猜想》等。

陳氏定理

陳氏定理用數學語言可以表示成:對於任何一個大於2嘅偶數 ,都有奇質數   ,令到以下兩條算式裡面嘅一條成立:

 

 

當然,  兩條式可以同時成立。