陳欣 (香港)

陳欣（英文：Kenneth Chan Yan，1969年11月20號—）係香港男配音員。1991年加入亞洲電視配音組，1994年2月轉去無綫電視配音組。

陳欣
出生日	1969年11月20號  （54歲）
職業	配音員
[改維基數據]

  呢篇文講香港配音員。想搵同名嘅人嘅話，請睇陳欣 (搞清楚)。

簡介

入行咗好多年，之前係日本演員松重豐嘅常任配音員，而家成為日本演員江口洋介、竹野內豐、阿部寬、堤真一、北村一輝、長瀨智也、高嶋政宏、小市慢太郎、加藤雅也、井浦新、片岡愛之助，韓國演員池珍熙、李瑞鎮、鄭昊彬、尹相鉉、車勝元、劉在錫、朴赫權、崔元英、鄭俊鎬、申成祿，台灣演員馬景濤，香港演員鄭嘉穎、成龍、梁朝偉、方中信、呂良偉，中國演員李連杰、嚴屹寬、陳道明，美國演員李察·基爾、畢·彼特、湯·告魯斯、狄維·莊遜，加拿大演員奇洛·李維斯，英國演員曉·萊利、湯·哈迪，愛爾蘭演員皮雅斯·布士南，西班牙演員安東尼奧·班達拉斯，英國廚師占美·奧利華，英國新聞工作者Michael Mosley嘅常任配音員。

個人生活

陳欣嘅女朋友係同為配音員嘅鄭麗麗。另外，陳欣嘅細路係一個搭棚工人，2022年因工業意外而身亡。

佢喺政治上係親中派嘅支持者，曾經幫咗宣傳北京未經諮詢或香港人同意，強行訂立嘅《港版國安法》，又曾經喺微博上面呼籲網友睇慶祝香港回歸25週年嘅電視節目。

爭議

錢債、盜用他人身份借錢問題

陳欣曾經唔止一次出現錢債問題影響其他人，仲試過盜用他人身份借錢，比當時人公開批評。

2021年6月，龍天生喺社交媒體公開話，陳欣曾經借大耳窿，對方搵唔到陳欣反而諗到嚟恐嚇佢。

2023年5月，無綫藝人宋懿芳喺社交媒體表示收到追數訊息，對方指佢喺「TVB配音組陳欣」嘅擔保人。宋懿芳又話，翻查資料發現原來陳欣係盜用他人資料嘅慣犯，表明唔會幫佢還錢，叫佢盡快出嚟解決問題。

出面網頁

• 陳欣喺tvb.com嘅資料
• [1]
• [2]