陳鏸勳

陳鏸勳（—1906年），另名曉雲係大清人，亦係香港生意人，籍廣東南海。佢喺香港，做過濟安洋酒保險有限公司司理人，亦係萬益置業公司、廣運輪船公司、咸北輪船公司嘅司理人。一九零四年，陳鏸勳做東華醫院總理。佢喺一九零六年初死。

陳鏸勳同輔仁文社關係密切。寫《香港雜記》序時，就喺輔仁文社。當時係甲午年孟秋，光緒二十年，就係甲午戰爭嗰年。

著作

陳鏸勳寫過幾本書，最出名係《香港雜記》，係首部用唐字寫嘅香港專書。一八九五年，曾以佢同譚子剛出過《保險須知》一書。另外重有《富國自強》。

出面網頁

• 〈琴台客聚：香港史料專書〉。