隅園

  提示：呢篇文講嘅唔係愉園或豫園。

隅園（粵拼：jyu4 jyun4）係中國廣東廣州一民國建築，1931年起好，位置喺越秀區寺貝通津42號。佢亦係廣州五大僑園之一。

隅園
廣州市文物保護單位
喺邊	中國廣東省廣州市越秀區
類	民國建築
時代	民國
冧	5-17
登錄	1999年7月
地圖

佢既係東山洋樓嘅一部分，又係廣州市級文物。不過喺2016年1月3號試過拆瓦頂而俾好多街坊投訴。

風格

間嘢係由廣州早期留英、美學生伍景英負責設計出嚟。入面融合咗中西式建築風格，分開咗東、西兩座。西座屬綠琉璃瓦硬山頂，瓦頂高低錯落分成三級。其中外牆屬紅磚清水牆，門似劵形，門出面裝咗紅磚圍欄。成間嘢睇落去係英倫同廣州本地特色建築嘅混合版。院入面有前、後花園。喺抗日戰爭年間，入面曾經種過花旗杉同木棉花響度。