雅爾達
雅爾達（波斯文：شب یلدا）係一個古老節日，伊朗嘅冬至，慶祝冬至嘅到蒞同幾個世紀以嚟一年中最長嘅夜晚。佢係指秋天嘅最後一日（伊朗歷阿扎爾月 30號，相當於12月21號）日落同冬天第一日（伊朗歷代伊日，相當於12月22號）日出之間嘅時間。喺雅爾達之夜，通常聚埋喺祖父母或者老人家屋企，慶祝一年中最長嘅夜晚。 由於講故仔係雅爾達冬至嘅娛樂傳統，老人家會透過講故仔同軼事嚟娛樂其他人。
喺呢個古老嘅伊朗節日入面，睇群王書（波斯文：شاهنامه，羅馬拼音：Shahnameh）同哈菲茲嘅詩歌係另一個傳統。一個家庭或一班朋友嘅每個人都會許一個願望，同時一齊守秘密，再是旦揾一首哈菲茲嘅詩歌讀。由於佢嘅詩歌俾伊朗人認為係解釋願望點樣實現，因此嗰晚會透過首詩去估人嘅願望嚟玩。
雅爾達之夜最吸引人嘅儀式之一係它嘅嘢食、生果同小食。 伊朗家庭通常準備豐盛嘅晚餐，買堅果同各種唔同嘅生果，最常見嘅係西瓜同石榴。 每一個城市同文化都會考慮用特別嘅嘢食嚟慶祝雅爾達之夜。
雅爾達被認為係古代伊朗嘅聖夜之一同最重要嘅慶祝活動之一，並喺大流士一世時期從公元前502年正式寫入波斯人嘅官方日曆。長期以嚟一直俾伊朗人認為係重要嘅。 喺古代，黑暗被認為係惡魔嘅徵兆，因此喺一年中最長嘅夜晚雅爾達之夜，伊朗人因火光而生火以保護自己免受邪惡勢力嘅侵害。 由於冬天白天越來越長，夜晚越來越短，伊朗人慶祝秋天嘅最後一個晚上，作為太陽嘅更新同光明戰勝黑暗嘅勝利。