雅虎去邊度

雅虎去邊度（英文：Yahoo! Hui Bin Doe）係個網站，由雅虎管理，整畀各行嘅熱門商戶。2007年頭開始 beta 版^[1]。站裏面有鋪頭嘅評論。而家主要內容係飲食，但都有第尐鋪頭。有一節叫做「人氣食點」，根據上個禮拜嘅瀏覽次數、用戶評分，同埋用戶儲存來計出^[2]。用戶亦可以寫篇特輯來介紹一間舖。而重有尐用戶可以評論現有嘅舖頭，講吓間舖頭有乜好，有乜唔好。網站嘅資料由電訊盈科指南有限公司提供，個網已經係2009年08月31號閂門大吉。