雅賓利道英文Albany Road)係香港,喺中環山上。如今係係劃開兵頭花園兩邊。

未有雅賓利道,先有雅賓利,卽英字Albany,取自雅賓利公爵,英字Duke of Albany。

英人開埠無耐,就喺處起咗雅賓利樓,叫The Albany。個位喺今日兵頭花園南面山上,今雅賓利道之東。棟樓一八四四年八月立,香港政府官員宿舍。樓呈長形。一八四五年五月,轉手畀英軍,叫雅賓利兵房,英字Albany Barracks,畀軍官住。兵房入軍後,加多工事,以作防守。之後轉返畀香港政府做官員宿舍。一八五八到五九年,一號樓住咗Trade Commissioner。一八六零年,二三號樓,免租畀女校。

一八六二年,Charles May買入此宅。佢係退休差人頭,卽Captain Superintendent of Police,一八四四年就任職。一八六八年滙豐銀行眾職員,曾住於此。May傳畀仔,再傳畀兩孫,不過一九三一年都死咗。一九三四或者三五年,棟樓轉手。

香港政府起水塘之時,一八八八年,亦開咗雅賓利濾牀,英字Albany Filter Beds。濾牀帶水落中環,潔淨水至可飲用爲止。後濾牀就變雅寶利道。

之後,政府喺雅賓利道之西,開咗同名樓,又叫雅賓利,The Albany。今雅賓利大廈。