雙皮奶

雙皮奶係一種甜品。產於中國廣東順德，甘香嫩滑，別具一格。相傳雙皮奶係由一位董婆婆喺順德嘅大良響1850年代發明。

雙皮奶喺廣東好出名。喺澳門，以義順嘅雙皮奶最為馳名。而喺廣州，就以喺20世紀40年代就開始經營嘅南信甜品店最為知名。喺香港，澳洲牛奶公司係最為馳名。喺順德，就以仁信和民信最著名^[1]。

製作方法

所謂「雙皮奶」，係指奶喺煮嘅過程中製出兩層奶皮。基本嘅做法，係將水牛奶放入食具中炖滾後倒入細碗度，等佢冷卻凝固成奶皮，再輕手倒出牛奶，留低奶皮。之後再將倒出來嘅牛奶再作處理，然後倒返落裝有奶皮嘅碗度。其中一種做法，會將再煮嘅奶倒喺奶皮之上，畀兩者溝埋一齊。另一種做法，係將奶倒喺奶皮之下。

另將鮮奶加白糖攪勻後用篩濾去雜物，將調好奶蛋白嘅（亦有用蛋黃嘅）鮮奶倒入，用細碟仔冚好，以防蒸汽滴落面上影響質量，隔水炖15分鐘就得。雙皮奶嘅特殊食法有加上紅豆、蛋、蓮子等等。喺屋企整嘅雙皮奶無鋪頭整嘅爽滑，原因可能係店鋪嘅雙皮奶加入咗食用膠。