雞林

  提示：呢篇文講嘅唔係雞地。

雞林（粵拼：gai1 lam2，林變調讀陰上聲），係廣東省城廣州舊底一間知名賣雞檔口，原位於惠愛中路同中華路交界東北角，即舊中山五路200－204號嘅永光日用雜品商店一帶，舊樓畀改造重建。

史

清代光緒年間，北郊石井村民劉亞林落來創立，改名林記雞店，開初左近蘇記雞店生意好過林記。到劉耀泉三個仔接手，改到清遠或大東樓雞欄揀靚雞返來，專賣嘈肥雞。渠鋪面係設籠擺賣，任人參觀選購。據話由於服務周到，林記「牛奶雞」打響咗名堂，「蘇記」就畀逼到執笠。「林記」後尾擴大鋪面，改掛每字四尺見方嘅紅字鋪名——「雞林」，取雞多如林之意，又含家族姓氏。

1958年公私合營，林記堅持執檔口都要保護著秘方，出走他鄉未聞返來過。

特色

林記啲雞係鄉下買返來，放入雞場再「槽」（育肥），精谷、麥糠、豆麩、赤豆等精料做飼料，仲有話用牛奶拌料、以硫磺熏場（消毒），等啲雞「槽」得肉嫩、骨脆、毛鮮。呢啲就係所謂「嘈肥雞」，係兼啲兩斤打下嘅雞項，賣出前一周(具體日數畀話係秘笈)，餵養秘制飼料，並將雞隻遮黑圈養，然後夠日就上市賣。每日淨賣兩百隻，有剩嘅就活埋曬。

據話食落啲雞肥而不膩，皮色金黃爽滑，骨髓仲帶有特別嘅香味(飼料可能仲含有藥材)，回味無窮。

地名

民國陣「雞林」發展興旺，「買靚雞、到雞林」成咗市民口頭語，慕名來者唔少，當其時巴士乘務員報站，行經舖頭停站都直接叫「雞林」，而唔係「中華中」、「惠愛西」等。雞林消失後，仲保持著呢個站名，直至1980年代。呢個名後生嘅一代經已唔知，老一脫廣州街坊可能就仲有記憶。