電結他

電結他（英文：electric guitar）係結他嘅一種，駁咗擴音機同喇叭可以好大聲。佢雖然叫電結他，但係通常唔使駁電，而係掉轉頭，靠彈琴嗰陣條弦綫啲震盪，透過一種叫做拾音器嘅嘢將聲頻轉化成電流；亦有要駁電嘅電結他，比較少見，用嘅拾音器唔同種類。

一部Fender Stratocaster電結他。

普通結他個琴身有共鳴箱，而今嘅電結他就無共鳴箱，用實心木造或者係半實心，噉如果唔接擴音機嘅話，電結他直接彈出來啲聲就好細。一般嘅電結他有六條弦，爵士結他手同重金屬手嘅有七條弦，尤其是玩死亡金屬同 nu-metal 嗰啲，仲有啲 12 弦嘅電結他。

喺1920年代結他喺大樂隊冇辦法彈到同其他樂器一樣咁大聲，促成咗電結他嘅發明，第一個電結他係爵士結他手喺1930年代用，同普通結他一樣係空心；實心木嘅電結他喺1950年代發明。