電視

  呢篇文講大多數人講嘅廣泛技術應用、器材同產業、文化之類嘅事物。想搵接收設備嘅話，請睇電視機。

  「TV」跳轉到呢度。想搵第啲意思，請睇「TV (搞清楚)」。

  「電視廣播」跳轉到呢度。想搵香港公司，請睇「電視廣播有限公司」。

電視係一種通訊媒介，用嚟廣播有聲同郁得嘅畫。電視有時指部電視機，有時指電視節目，亦有時指電視收發。

電視媒介

電視英文叫Television，係由tele同vision兩個字夾埋。tele來自希臘文τῆλε，即係遠咁解，而vision係來自拉丁文video/vis-，即係睇咁解。television就將好遠嘅嘢傳返來睇。而中文因為係電器，就叫佢做電視，集中響用電身上。