青洲 (香港島)

青洲（英文：Green Island）係香港中西區嘅島，又叫做大青洲，同東面嘅小青洲一齊叫大小青洲。青洲面積10公頃，響香港島堅尼地城西北，中間隔住硫磺海峽。

青洲

青洲冇人住，只係有一個自動氣象站，係全香港第一個同時用太陽能同風能發電嘅。島上面重有懲教署青洲羈押中心同青洲警署，同埋兩座已經係法定古蹟嘅青洲燈塔。

1990年代，港府曾經研究填海將青洲同香港島連埋一齊，但畀環保團體抗議，最後搞唔成。