青龍偃月刀

青龍偃月刀（讀：ching¹ lung⁴ yin² yuet⁶ do¹ 或 ching¹ lung⁴ yim² yuet⁶ do¹ ）係偃月刀嘅一種。根據文獻同埋出土文物，偃月刀喺宋朝開始出現，因重量關係，主要用嚟練習臂力，唔係用嚟打仗。

青龍偃月刀係喺小說裏面關羽用嘅長柄刀，呢張畫收藏喺北京頤和園。

關羽同青龍偃月刀嘅關係

喺中國小說《三國演義》裏面，劉備嘅二弟關羽用嘅兵器，本書講青龍偃月刀重八十二斤(約等於依家16.5公斤)，又叫冷艷鋸。關羽用嚟斬咗了唔少武將，所以後世都叫青龍偃月刀做關刀。喺關羽被殺後，青龍偃月刀被東吳將領潘璋搶咗，後來，關羽嘅仔關興為父報仇，殺咗潘璋，搶番青龍偃月刀。所以，關羽同青龍偃月刀被認為相互象徵。

呢個應該係小說家諗出嚟，漢代同三國時期未有考古證明出現過呢種武器。