靖遠路 (廣州)

  呢篇文講廣州市嘅靖遠路。想搵上海市嘅靖遠路嘅話，請睇靖遠路 (上海)。

靖遠路（粵拼：zing6 jyun5 lou6）係中國廣東省廣州市入面嘅一條一般嘅馬路，喺荔灣區入面，成條馬路係南北走向。北邊從西堤二馬路開始，一直向南去到沿江西路嗰頭。

靖远路 JINGYUAN ROAD

靖遠路嘅路牌

性質： 一般馬路 全長： 0.114公里 行車線： 1車道，北向南嘅單行線。 地區： 廣州市荔灣區 起點： 西堤二馬路 終點： 沿江西路 主要建築： 南方大廈

概要

全長114米，闊5米，1車道，凈係可以從北向南行。

名

其實呢度好耐之前唔係一條馬路，而係「靖遠街」。喺清朝鴉片戰爭之前，呢條街係一直去到十三行入面。但係由於爆發咗好多次戰爭同埋動亂，加上1920年話拆城墻嚟起馬路，所以呢條街就得返好短，就係南邊嘅南方大廈附近嗰橛。而路名就用返之前用過「靖遠」嘅名。而北邊嗰橛變咗文化公園嘅一部分，而家已經唔喺度。之前喺清朝出嚟嘅王老吉涼茶就喺呢條街入面開過檔。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 西堤二馬路
• 沿江西路

同佢有關嘅正文

• 王老吉

攷

• 王老吉：悠悠百年，长作岭南之茶 广州文史