靳夢佳

靳夢佳（粵拼：gan3 mung6 gaai1；簡化字：靳梦佳；1993年 6月5號—），係中國大陸女主持人，喺河南濮陽出世。2013年進入湖南電視台，第二年簽約芒果娛樂。2015年，喺武漢大學新聞同傳播學院播音主持專業畢業。主持過《娛樂急先鋒》、《我是大贏家》等。

經歷編輯

1993年6月5號，佢喺中國河南濮陽出世。2011年，佢考入武漢大學新聞同傳播學院播音主持專業，同李莎旻子同班。喺大一，佢兼職華科校園內嘅藝考培訓學校任教^[1]。

2012年，參加湖南娛樂頻道選秀節目《星姐選舉》，並攞到亞軍^[2]。

2013年尾，入湖南廣播電視台實習。第二年簽約芒果娛樂，先後主持過《娛樂急先鋒》、《老爸你最棒》、《廚王爭霸》等節目。

2015年1月，主持《「鵬愛杯」中國城市天使大賽（長沙賽區）》，參演湖南娛樂頻道嘅欄目喜劇《食喜臨門》。6月，完成大學學業並成功畢業。同年主持嘅節目仲有《新聞大求真》、《我是大贏家》等。

2016年，先後主持《都市大直播》、《2015年度感動中國人物評選湖南區頒獎典禮》等節目。

2017年，為湖南衛視《歌手2017》趙雷嘅音樂合夥人^[3]。同年5月，以「鑒客團」成員身份參加音樂互動節目《我想和你唱》^[4]。7月，參加湖南衛視明星經營類美食真人騷節目《中餐廳》，做餐廳嘅洗碗工^[5]。12月31號，做《湖南衛視2018跨年演唱會》主持人^[6]。

2018年，為湖南衛視《歌手2018》李曉東嘅音樂合夥人。同月，仲參加咗湖南衛視原創聲音魅力競演節目《聲臨其境》。12月31號，做《湖南衛視2019跨年演唱會》主持人^[7]。

2020年，為湖南衛視《歌手·當打之年》周深嘅音樂合夥人。