鞭子香腸

鞭子香腸（加泰羅尼亞文：Fuet；加泰羅尼亞文讀音：[fuˈɛt]，字面意思係「鞭子」）係一種西班牙加泰隆尼亞自治區嘅典型美食，形狀細長嘅風乾香腸^[1]。呢種香腸整嘅時候會將豬肉放喺豬腸衣（豬小腸經過加工而成嘅透明薄膜）裡面風乾醃製，香腸嘅上面覆蓋著一層白色嘅可食用黴菌，類似薩拉米（salami）香腸。最著名嘅係奧索納（Osona）縣整嘅。呢啲香腸亦都叫做 Vic fuet（fuet de Vic，以 Osona 嘅首府 Vic 命名）^[2]。其他擁有悠久製作鞭子香腸嘅傳統地方係奧洛市（加泰隆尼亞文：Olot）同埋佢嘅周邊地區。

鞭子香腸係一種形狀細長，長度係30到50厘米之間，直徑係2到4厘米之間，通常重量係150到300克之間。佢由約60%嘅瘦肉同40%嘅肥豬肉製成，而且經過風乾醃製^[3]。

味道

鞭子香腸用黑胡椒同大蒜調味，有時仲會加大茴香，但係同西班牙辣肉腸唔同嘅係唔含紅甜椒粉。

歷史

喺歐洲，整天然發酵嘅香腸嚟食，已經有好耐嘅歷史，呢個傳統起源於羅馬時期嘅地中海國家^[4]。羅馬文獻當中亦有記載，伊比利亞人已經識得整香腸。有好幾份羅馬文獻都讚過伊比利亞人整嘅 Cerdanya 火腿喺世界上最好食嘅火腿之一。香腸喺歐洲文化嗰度嘅重要性，令到歐洲人建立咗運送香腸原材料嘅路線，例如義大利嘅「Via Salaria」鹽路線。

圖集

胡椒鞭子香腸
鞭子香腸切片
鞭子香腸

↑ Marianski, Stanley; Mariański, Adam (2009). The Art of Making Fermented Sausages (英文). Bookmagic LLC. ISBN 978-0-9824267-1-5.
↑ Coupe, Alison, (editor). Michelin Green Guide Spain. Michelin Apa Publications, 2010. ISBN 978-1-906261-92-4 p57
↑ "Fuet: The most popular sausage of Catalonia". Spanish Club Blog. 10 April 2022.
↑ Comi, Giuseppe; Urso, Rosalinda; Iacumin, Lucilla; Rantsiou, Kalliopi; Cattaneo, Patrizia; Cantoni, Carlo; Cocolin, Luca (2005-03-01). "Characterisation of naturally fermented sausages produced in the North East of Italy". Meat Science (英文). 69 (3): 381–392. doi:10.1016/j.meatsci.2004.08.007. ISSN 0309-1740. PMID 22062975.

[1] Marianski, Stanley; Mariański, Adam (2009). The Art of Making Fermented Sausages (英文). Bookmagic LLC. ISBN 978-0-9824267-1-5.

[2] Coupe, Alison, (editor). Michelin Green Guide Spain. Michelin Apa Publications, 2010. ISBN 978-1-906261-92-4 p57

[3] "Fuet: The most popular sausage of Catalonia". Spanish Club Blog. 10 April 2022.

[4] Comi, Giuseppe; Urso, Rosalinda; Iacumin, Lucilla; Rantsiou, Kalliopi; Cattaneo, Patrizia; Cantoni, Carlo; Cocolin, Luca (2005-03-01). "Characterisation of naturally fermented sausages produced in the North East of Italy". Meat Science (英文). 69 (3): 381–392. doi:10.1016/j.meatsci.2004.08.007. ISSN 0309-1740. PMID 22062975.

[1]

[2]

[3]

[4]