韓世忠係軍人出身，曾經同遼國、西夏打過仗，重升過官。
1126年，金國滅咗遼國之後大舉南侵，韓世忠一路守護住宋高宗趙構落到江南。1129年喺黃天蕩之役入面以8000人打敗咗金國士兵100000人。1133年升咗做太尉，之後重好幾次擊退咗金兵。
當宋高宗決定處死岳飛嗰陣，韓世忠因此走去宰相秦檜個府第，質問用咩罪名處死岳飛。秦檜用「莫須有」嚟回應。韓世忠就話：「莫須有三字，何以服天下？」[1]但最後唔但只救唔到岳飛，自己重畀宋高宗罷免咗兵權，從此閉門謝客。
1151年，韓世忠過身。後嚟，宋孝宗追封佢做「蘄王」，謚號叫「忠武」，因此後世都叫佢做「韓蘄王」。
