頹飯係一個2000年代流行喺香港各間大學學生嘅術語，泛指喺各大學飯堂賣港幣十蚊嘅飯食選擇，故此又會叫「十仔飯」或「十蚊飯」。
頹飯呢個字係幫襯香港中文大學某個飯堂嘅人發明[1]。
頹飯嘅餸冇得點揀，極之簡單，加上無骨多汁，可以好快食晒，但聽日嘅餸通常都唔易估到。而頹飯嘅味道亦都唔係幾好食。
揀食頹飯嘅原因一般都係純粹「為食而食」；另外因為佢個價錢明顯平過其他嘢食，所以成為經濟負擔重嘅學生實食嘅飯。
「頹」呢個字嚟自「頹廢」，喺香港各間大學亦都引伸出「得過且過」、「冇動力」嘅意思。
