風繼續吹
《風繼續吹》係香港歌手張國榮出嘅第三張錄音室專輯、第二張粵語錄音室專輯，喺1983年5月由華星唱片發行。主打歌《風繼續吹》惘中帶淡淡嘅哀愁，唔單止情深而且繾綣。《人生的鼓手》講只要堅信肯努力總有出頭天，係電影《鼓手》主題曲。《默默向上游》講當時張國榮係充滿抱負有自信嘅藝人，惟處於鬱鬱不得志嘅狀態。
| 風繼續吹 | ||||
|---|---|---|---|---|
| 張國榮嘅錄音室專輯 | ||||
| 發行日期 | 1983年5月 2004年8月12日（華星復刻經典版） 2015年（SACD） | |||
| 錄製時間 | 1983年2月 | |||
| 類型 | 粵語流行音樂 | |||
| 唱片公司 | 華星唱片 | |||
| 監製 | 黎小田 | |||
| 張國榮專輯年表 | ||||
| ||||
簡介 編輯
1983年發行，係張國榮加盟華星唱片後嘅首張個人粵語專輯，黎小田兼任監製，香港極有份量嘅作曲作詞人一齊打造，包括顧嘉輝、黎小田、黃霑、鄭國江、林敏怡、石朗、何重立、黎彼得等。
呢張專輯係張國榮開展歌唱事業嘅新局面，主打歌係翻唱山口百惠名曲《再會的彼端》嘅《風繼續吹》，旋律低迴婉轉，張國榮以細膩嘅演繹，用平淡坦然嘅聲音，唱出無奈同淡淡嘅哀愁，歌聲入面嘅濃情繾綣直透聽者耳中，曲盡意不盡，令人難以忘懷嘅永恆金曲。
專輯重收錄咗1983年電影《鼓手》嘅《人生的鼓手》、《默默向上游》同《我要逆風去》等主題曲同插曲；當時嘅張國榮雖處於鬱鬱不得志嘅狀態下仲充滿鬥志，講只要堅信肯努力總會有出頭天。
曲目 編輯
全碟監製：黎小田
| 曲序 | 曲目 | 填詞 | 作曲 | 編曲 | 備註 |
|---|---|---|---|---|---|
| 1. | 風繼續吹 | 鄭國江 | 宇崎龍童 | 徐日勤 | 改編自山口百惠嘅《再會的彼端》 |
| 2. | 那一記耳光 | 鄭國江 | 黎小田 | 黎小田 | |
| 3. | 片段 | 張國榮 何重立 | John Healy Sonny Limbo 柏帝·希金斯 | 黎小田 | 改编自柏帝·希金斯嘅《Casablanca》 |
| 4. | 共你別離 | 石朗 | 濱田省吾 | 奧金寶 | 改编自濱田省吾嘅《ラストショー》 |
| 5. | 緣份有幾多 | 鄭國江 | 黎小田 | 黎小田 | |
| 6. | 流浪（電影《烈火青春》主題曲） | 石朗 | 林敏怡 | 林敏怡 | |
| 7. | 讓我飛 | 黃霑 | 顧嘉煇 | 奧金寶 | |
| 8. | 不管你是誰 | 黎彼得 | Robert Raymond Heatlie | 徐日勤 | 改編自Aneka嘅《Japanese boy》 |
| 9. | 難以再說對不起 | 鄭國江 | 大衛·福斯特 彼得·塞特拉 | 徐日勤 | 改編自Chicago嘅《Hard to Say I'm Sorry》 |
| 10. | 人生的鼓手（電影《鼓手》主題曲） | 鄭國江 | 顧嘉煇 | 顧嘉煇 | |
| 11. | 默默向上游（電影《鼓手》插曲） | 鄭國江 | 顧嘉煇 | 顧嘉煇 | |
| 12. | 我要逆風去（電影《鼓手》插曲） | 鄭國江 | 顧嘉煇 | 顧嘉煇 |
獎 編輯
- 「金唱片」：《風繼續吹》