《飛虎3壯志英雄》（英文：Flying Tiger III），又叫《飛虎之壯志英雄》，係邵氏兄弟同優酷合作拍攝製作嘅劇集，邵氏飛虎系列劇集嘅第三輯，但故仔同角色都同頭兩輯《飛虎之潛行極戰》同《飛虎之雷霆極戰》無任何關連。套劇由苗僑偉、黃宗澤、吳卓羲、張兆輝、馬德鐘、郭晉安、梁競徽、蕭正楠、姚子羚、陳瀅、陳豪、蔡思貝、蔡潔、朱晨麗、陳煒同王敏德主演，監製樂易玲、查傳誼、李惠民同劉佳莉，總共30集，每集唔連廣告約45分鐘。呢套劇安排響優酷、TVB Anywhere同無綫電視翡翠台播。
