養魚

  呢篇文講養殖。想搵同名嘅村嘅話，請睇養魚村。

養魚（粵拼：joeng5 jyu4*2）係種水族飼養活動，廣義上就係「飼育魚類」，可以指養啲魚來做景，或者養喺空間中嘅裝置，作爲一種景觀。一般特點係養來造景嘅魚相比各類只係用來食肉嘅魚，通常個樣明顯靚好多，有觀賞價值。

觀賞用淡水魚缸

養魚又有意思指古代中國傳落嘅養殖法，養啲傳統嘅、合理嘅魚（主要係淡水魚）。呢個養魚有個機制稱做「施肥混養」，喺而家嘅中華人民共和國仲有呢樣嘢，同養蠶業、稻作等農業兼營。

起源

養魚嘅歷史，喺殷商（前1600年左右～前1046年）遺蹟發掘嘅甲骨文字有記錄，可以追溯到紀元前1150年前（約3000年），當初係同養蠶兼營，蠶嘅蛹係唔要嘅，所以做飼料，餵畀鯉魚，做單養。呢個養殖技術作爲產業導入，可能係來自春秋戰國時代入仕越王勾踐嘅政治人范蠡，佢著有《養魚經》，係世界最古老嘅有關魚類養殖嘅著書。

池中嘅金魚同錦鯉

養觀賞魚嘅趣味亦自古時就有，比如金魚一開始就養喺中國宋朝嘅宮廷，之後喺民衆中普遍流行。啲西方國家亦研究、飼育各類淡水觀賞魚，如神仙魚、五彩神仙魚（七彩神仙魚）、各類屬鮭脂鯉科嘅魚等等。之後呢啲品種嘅魚流入各國，喺人造環境中飼育發展，成功以繁殖形式生產。

而家水族館養嘅各類觀賞魚基本都唔係出處自一國，而係大多來自地球各處，透過入口渠道傳開。比如暹羅鬥魚源自泰國，七彩神仙魚嘅原鄉係喺南美啲淡水河，又或者各類龍魚，如金龍魚產自東南亞，銀龍魚產自巴西嘅雨林區域嘅河，而金魚產自中國，有啲金魚如長尾金魚、凸眼金魚都係經過人工篩選而畀人培育造出。

唐代嘅改良

到咗唐朝時代，個皇帝李淵佢嘅姓「李」同「鯉」係同音，所以「對鯉魚嘅冒瀆就係對皇帝嘅冒瀆」，鯉魚嘅養殖、捕獲、買賣、食等一律禁止。捕撈鯉魚者罰罪打三十仗，食嘅人則判死刑，係好嚴厲嘅禁令。

因爲呢個禁令，民衆要搵替代鯉魚嘅食用魚，注意到青鯇、鯇魚、大頭魚、白鰱（呢啲都係中國原產嘅鯉科野生種）。摸熟咗佢哋嘅特性後，培育單養嘅鯉魚，應用啲祕訣去改良，確立咗合理嘅方法，喺同一環境中同時飼育呢四種淡水魚。改良過之後，呢啲養魚技術廣泛流傳到各地，作爲取代鯉魚嘅食用魚，上述四種魚畀各階層接受。呢啲淡水魚係「四種最一般嘅魚」，所以稱做「四大家魚」。

另外，唐朝時代有喺草魚、青魚、黑鰱、白鰱之上加埋鯉魚做「五大家魚」，由於上述理由而禁止捕獲、烹煮鯉魚，所以將佢排除出外，做「四大家魚」。

• 
  鯉魚
• 
  草魚（鯇魚）
• 
  青魚（青鯇）
• 
  白鰱
• 
  黑鰱（大頭魚）

養魚機制

養魚首先要將上述四種「四大家魚」嘅魚種（魚仔），放養入有可能成育嘅環境（池沼河川等生態系統）。放養後，唔會畀啲魚直接攝取嘅飼料，但會用收穫得嘅植物同屎尿畀佢（撒啲屎尿入池沼度，會生養起浮游生物；魚苗放養會同稻作兼業，呢樣會因環境、地域而異）。喺呢個環境中，因爲唔同魚嘅食性同食物鏈嘅結果，會如下噉展開：

1. 草魚喜好植物，會攝取水草同水邊植物。
2. 草魚嘅排泄物會由淡水卷貝類嘅田螺等來食。
3. 青魚會以田螺等底棲生物爲食。
4. 加埋啲食淨嘅嘢，以屎尿爲肥料，誘使浮游植物繁殖。
5. 呢啲浮游植物又再誘使浮游動物繁殖。
6. 白鰱食浮游植物，黑鰱食浮游動物。

養觀賞魚嘅風潮

霓虹脂鯉係流行嘅淡水寵物

由於觀賞魚喺好多國家普遍流行，幾多家庭會養觀賞魚來裝飾。由於噉，形成咗各類養殖場來生產觀賞魚，之外仲有幾多養魚俱樂部成立，啲俱樂部嘅成員都係啲好鍾意養魚嘅人，佢哋睇呢啲係人生中嘅清雅樂趣，加入俱樂部，可以交換見識，又可以買賣或者交換啲貴價魚。

睇埋

• 淡水觀賞魚一覽
• 寵物
• 觀賞鳥
• 寵物狗
• 寵物貓
• 寵物鼠
• 觀賞鷄

出面網頁

• 〈'"`UNIQ--templatestyles-00000005-QINU`"'Cá cảnh／𩵜景[[Category:有越南文嘅文章]]（粵譯：觀賞魚）〉。《越南百科辭典》。 {{cite web}}: URL–wikilink conflict (help); templatestyles stripmarker in |title= at position 1 (help)