餓人灣
餓人灣（Ngo Yan Wan），又寫做臥人灣，係香港香港島北岸東面一海灣，家下經已埋響都市之下。1865年人口統計時，居民從事石塘採石。統計話，連同筲箕灣，紅香爐，七姊妹，黃角嘴，合共2,818人。
雖然家下有唔少人傳筲箕灣舊稱餓人灣，之但係1865年香港政府統計，係將兩者分開。當時英文譯Ngo-yan-wan，而中文名則叫臥人灣，臥餓兩廣東音相同，唔見得餓人灣正確得過臥人灣。況且大明時已有記有筲箕灣[1]，呢個傳說唔係咁對路。
1857年政府刊憲將香港島分成九個大區，喺二號區「筲箕灣」一欄寫「由紅香爐到臥人灣，包括黃角嘴、七姊妹、水清灣、筲箕灣同臥人灣」，假設呢句係跟由西到東嘅順序，臥人灣最有可能係阿公岩村東邊一個已經填咗海嘅海灣仔（而家東都中心），或者鰂魚涌[2]。