餓狼傳說 (專輯)
《餓狼傳說》係香港歌手張學友發行嘅第14張粵語專輯，唱片製作人歐丁玉，寶麗金唱片公司製作發行。呢張唱片被認為係一張類似EP類型嘅粵語唱片。
| 餓狼傳說 | ||||
|---|---|---|---|---|
| 張學友嘅錄音室專輯 | ||||
| 發行日期 | 1994年5月20號 | |||
| 錄製時間 | 1994年 | |||
| 類型 | 粵語流行音樂 | |||
| 唱片公司 | 寶麗金 | |||
| 監製 | 歐丁玉 | |||
| 張學友專輯年表 | ||||
| ||||
簡介
編輯張學友喺呢張專輯嘅MV開始嘗試利用電腦技術製作，融合幾首主打歌曲，包括《餓狼傳說》、《非常夏日》等，上市時收到好好嘅效果。唱片被分為幾個版本，市場上常見嘅分別有正式版，早期嘅萬寶路紅版（Marlboro Red Hot Hits），香港本地EP版（收錄4首歌曲）同埋日本EP版本（收錄4首歌曲）
影響
編輯唱片上市後大熱，餓狼傳說一曲喺當時異常流行。但喺中國大陸，單曲《餓狼傳說》由於歌詞被審核部門批評做露骨同不良，並未收錄到引進版CD當中。即使咁樣，因為翻版嘅原因，佢都係喺中國大陸流行，時至今日，喺內地嘅卡拉OK入面，依然係點播率最高嘅粵語歌曲之一。
張學友喺《餓狼傳說》拋棄咗1990年代初期嘅情歌路線，開始嘗試唔同類型，帶有搖滾同埋R&B元素嘅新類型音樂，呢啲元素都包括以後嘅《屈到病》、《高！高！》同埋最為接近嘅《野貓之戀》當中。其他柔和歌曲包括《來來回回》，《只有你不知道》已成為經典粵語流行歌曲，主打歌之一嘅《春風秋雨》亦獲得樂評嘅廣泛認可。
2000年代，《餓狼傳說》曾被環球重新出版，再次得到市場嘅認可。
曲目
編輯| 曲序 | 曲目 | 填詞 | 作曲 | 編曲 | 備註 |
|---|---|---|---|---|---|
| 1. | 春風秋雨 | 簡寧 | 劉諾生 | 劉諾生 | |
| 2. | 餓狼傳說 | 潘偉源 | 劉諾生 | 劉諾生 | 國語版本為《你冷得像風》 |
| 3. | 這一次意外 | 陳少琪 | 趙增熹 | 趙增熹 | 無綫電視劇生死頌主題曲 |
| 4. | 來來回回 | 周禮茂 | 杉田裕 | 蘇德華 | 國語版本為《我希望你相信》 |
| 5. | 只有你不知道 | 向雪懷 | 李偲菘 | 趙增熹 | 無綫電視劇生死頌插曲 國語版本為《你知不知道》 |
| 6. | 非常夏日（王靖雯合唱） | 陳少琪 | 陳迪匡 湯家驥 | C.Y. Kong | 國語版為《愛，一次給不完》 |
| 7. | 當愛變成習慣 | 陳少琪 | 劉諾生 | 劉諾生 | 國語版本為《最怕》 |
| 8. | 追鐘 | 潘偉源 | 小雪 | 歐丁玉 | 電影《非常偵探》主題曲 國語版本為《多愛一分鐘》 |
| 9. | 天與地 | 潘源良 | 李東珍 林炷妍 | 盧東尼 | |
| 10. | 夢裡再愛一次（女聲：曹潔敏） | 林振強 | Anders Widmark Steve Dobrogosz | 盧東尼 |
音樂錄像
編輯- 餓狼傳說
- 來來回回
- 只有你不知道
- 非常夏日
- 當愛變成習慣
- 追鐘
獎項
編輯- 「十大中文金曲」－《餓狼傳說》、《來來回回》
- 「十大中文金曲全年最高銷售量冠軍歌手大獎」－《餓狼傳說》
- 「叱咤樂壇大碟IFPI大獎」－《餓狼傳說》
- 十大中文金曲第3季最佳原創歌曲大獎－《只有你不知道》
- 勁歌第2季季選金曲－《餓狼傳說》
- 勁歌第3季季選金曲－《只有你不知道》
- 勁爆IFPI銷量大獎－《餓狼傳說》
- 勁爆民歌小調－《來來回回》
- 大學生眼中最受歡迎大碟－《餓狼傳說》
- 金心情歌醉心情歌－《來來回回 》